________________ रायपसेणइयं 85 उवागच्छइ उवागच्छित्ता गंदा पुक्खरिणिं पुरथिमिल्लेणं तोरणेणं तिसोवाणपडिरूवएणं पच्चोरुहइ पच्चोरुहित्ता हत्थपायं पक्खालेइ पक्खालित्ता आयंते चोक्खे परमसूइभूए एगं महं सेयं रययामयं विमलं सलिलपणं मत्तगयमुहागिइकुंभसमाणं भिंगारं पगेण्हइ पगेण्हित्ता जाइं तत्थ उप्पलाइं जाव सयसहस्सपत्ताई ताइं गेण्हइ गेण्हित्ता गंदाओ पुक्खरिणीओ पच्चुत्तरइ पच्चुत्तरित्ता जेणेव सिद्धायतणे तेणेव पहारेत्थ गमणाए / तए णं तं सूरियामं देवं चत्तारि य सामाणियसाहस्सीओ जाव सोलस आयरक्खदेवसाहस्सीओ अण्णे य बहवे सूरियाभविमाणवासिणो जाव देवीओ य अप्पेगइया देवा उप्पलहत्थगा जाव सयसहस्सपत्तहत्थगा सूरियाभं देवं पिट्ठओ पिट्ठओ समणुगच्छंति, तए णं तं सूरियाभं देवं बहवे आमिओगिया देवा य देवीओ य अप्पेगइया कलसहत्थगा जाव अप्पेगंइया धूवकडुच्छयहत्थगया हट्ठतुट्ठ जाव सूरियाभं देवं पिट्ठओ समणुगच्छंति / तए णं से सूरियाभे देवं चउहि सामाणियसाहस्सीहिं जाव अण्णेहि य बहूहि य जाव देवेहि य देवीहि य सद्धिं संपरिबुडे सव्विड्ढीए जाव णाइयरवेणं जेणेव सिद्धायतणे तेणेव उवागच्छइ उवागच्छित्ता सिद्धायतणं पुरथिमिल्लेणं दारेणं अणुपविसइ अणुपविसित्ता जेणेव देवच्छंदए जेणेव जिणपडिमाओ तेणेव उवागच्छइ उवागच्छित्ता जिणपडिमाणं आलोए पणामं करेइ करित्ता लोमहत्थगं गिण्हइ गिण्हित्ता जिणपडिमाणं लोमहत्थएणं पमजइ पमजित्ता जिणपडिमाओ सुरभिणा गंधोदएणं ण्हाणेइ हाणित्ता सरसेणं गोसीसचंदणेणं गायाई अणुलिंपइ अणुलिंपइत्ता सुरभिगंधकासाइएणं गायाई लूहेइ 2 त्ता जिणपडिमाणं अहयाई देवदूसजुयलाई णियंसेइ 2 त्ता पुष्फारुहणं मल्लारुहगं गंधारुहणं चुण्णारुहणं वण्णाहणं वत्थारुहणं आभरणारुहणं करेइ करेत्ता आसत्तोसत्तविउलवट्टवग्धारियमल्लदामकलावं करेइ मलदामकलावं करेत्ता कयग्गहगहियकरयलपन्भट्ठविप्पमुक्केणं दसद्धवण्णेणं कुमुमेणं मुक्कपुप्फपुंजोवयारकलियं करेइ 2 त्ता जिणपडिमाणं पुरओ अच्छेहि सणेहिं रययामएहिं अच्छारसातंदुलेहिं अट्ठट्ठ मंगले आलिहइ तं जहा-सोत्थिय जाव दप्पणं, तयाणंतरं च णं चंदप्पभवइरवेरुलियविमलदंडं कंचणमणिरयणभत्तिचित्तं कालागुरुपवर-कुंदुरुक्कतुरक्वधूवमघमघंतगंधुत्तमाणुविद्धं च धूववटि विणिम्मुयंतं वेरुलियमयं कडुच्छुयं पग्गहियं पयत्तेणं धूवं दाऊण जिणवराणं असयविसुद्धगंथजुत्तेहिं अस्थजुत्तेहिं अपुणउत्तेहिं महावित्तेहिं संथुणइ संथुणित्ता सत्तट्ठपयाई पच्चोसक्कइ पच्चोसक्कित्ता
