________________ 80 अनंगपविट्ठसुत्ताणि करेइ 2 त्ता जलाभिसेयं करेइ 2 त्ता आयंते चोक्खे परमसुईभूए हरयाओ पच्चोत्तरइ 2 त्ता जेणेव अभिसेयसभा तेणेव उवागच्छ। तेणेव उवागच्छित्ता अभिसेयसभं अणुपयाहिणीकरेमाणे अणुपयाहिणीकरेमाणे पुरथिमिल्लेणं दारेणं अणुपविसइ अणुपविसित्ता जेणेव सीहासणे तेणेव उवागच्छइ उवागच्छित्ता सीहासणवरगए पुरस्थाभिमुहे सण्णिसण्णे / तए णं सूरियाभस्स देवस्स सामाणियपरिसोववष्णगा देवा आभिओगिए देवे सद्दावेति सद्दावित्ता एवं क्यासी-खिप्पामेव भो ! देवाणुप्पिया ! सूरियाभस्स देवस्स महत्थं महग्धं महरिहं विउलं इंदाभिसेयं उवट्ठवेह / तए णं ते आमिओगिया देवा सामाणियपरिसोववण्णेहि. देवेहिं एवं वुत्ता समाणा हट्ठा जाव हियया करयलपरिग्गहियं सिरसावत्तं मत्थए अंजलिं कटु ‘एवं देवो ! तह' त्ति आणाए विणएणं वयणं पडिसुणंति पडिसुणित्ता उत्तरपुरस्थिमं दिसीभागं अवक्कमंति उत्तरपुरस्थिमं दिसीभागं अवक्कमित्ता वेउव्वियसमुग्धाएणं समोहणंति समोहणित्ता संखेजाई जोयणाइं जाव दोच्चं पि वेउव्वियसमुग्घाएणं समोहणित्ता अट्ठसहस्सं सोवणियाणं कलसाणं अट्ठसहस्सं रुप्पमयाणं कलसाणं अट्ठसहस्सं मणिमयाणं कलसाणं अट्ठसहस्सं सुवण्णरुप्पमयाणं कलसाणं अट्ठसहस्सं सुवण्णमणिमयाणं कलसाणं अट्ठसहस्सं रुप्पमणिमयाणं कलसाणं अट्ठसहस्सं सुवण्णरुप्पमणिमयाणं कलसाणं अट्ठसहस्सं भोमिजाणं कलसाणं एवं भिंगाराणं आयंसाणं थालाणं पाईणं सुपइट्टाणं वायकरगाणं रयणकरंडगाणं पुप्फचंगेरीणं जाव लोमहत्थचंगेरीणं पुप्फपडलगाणं जाव लोमहत्थपडलगाणं सीहासणाणं छत्ताणं चामराणं तेल्लसमुग्गाणं जाव अंजणसमुग्गाणं झयाणं अट्ठसहस्सं धूवकडुच्छुयाणं विउव्वंति विउवित्ता ते साभाविए य वेउविए य कलसे य जाव कडुच्छुए य गिण्हंति गिण्हित्ता सूरियामाओ विमाणाओ पडिणिक्खमंति पडिणिक्खमित्ता ताए उक्किट्ठाए चवलाए जाव तिरियमसंखेजाणं जाव वीइवयमाणा वीइवयमाणा जेणेव खीरोदयसमुद्दे तेणेव उवागच्छंति उवागच्छित्ता खीरोयगं गिण्हंति० जाई तत्थुप्पलाइं जाव सयसहस्सपत्ताई ताइं गिण्हंति गिण्हित्ता जेणेव पुवखरोदए समुद्दे तेणेव उवागच्छंति उवागच्छित्ता पुक्खरोदयं गेहंति गिण्हित्ता जाई तत्थुप्पलाई जाव सयसहस्सपत्ताई ताई गिण्हंति गिण्हित्ता जेणेव समयखेत्ते जेमेव भरहेरवयाई वासाइं जेणेव मागहवरदामपभासाइं तित्थाई तेणेव उवागच्छंति तेणेव उवागच्छित्ता तित्थोदगं गेण्हंति गेण्हेत्ता तित्थमट्टियं गेहंति गेण्हित्ता जेणेव गंगासिंधुरत्तारत्तवईओ महाणईओ तेणेव उवागच्छंति उवागच्छित्ता सलिलोदगं गेहंति
