________________ रायपसेणइयं 77 रत्तंसुयसंबुए सुरम्मे पासादीए 4 / / 35 / / तस्स णं देवसयणिजस्स उत्तरपुरस्थिमेण महेगा मणिपेढिया पण्णत्ता, अट्ठ जोयणाई आयामविक्खंभेणं चत्तारि जोयणाई बाहल्लेणं सव्वमणिमई जाव पडिरूवा, तीसे णं मणिपेढियाए उवरिं एत्थ णं महेगे खुड्डए महिंदज्झए पण्णत्ते सहिँ जोयणाई उड्ढें उच्चत्तेणं जोयणं विक्खंभेणं वइरामया वट्टलट्ठसंठियसुसिलिट्ठ जाव पडिरूवा, उवरि अट्ठट्ठ मंगलगा झया छत्ताइच्छत्ता, तस्स णं खुड्डागमहिंदज्झयस्स पच्चत्थिमेणं एत्थ णं सूरियाभस्स देवस्स चोप्पाले णाम पहरणकोसे पण्णत्ते सव्ववइरामए अच्छे जाव पडिरूवे तत्थ णं सूरियाभस्स देवस्स फलिहरयणखग्गगयाधणुप्पमुहा बहवे पहरणरयणा सणिखित्ता चिटुंति, उजला णिसिया सुतिक्खधारा पासाईया...। सभाए णं सुहम्माए उवरिं अट्ठट्ठ मंगलगा झया छत्ताइच्छत्ता // 36 // सभाए णं सुहम्माए उत्तरपुरस्थिमेणं एत्थ णं महेगे सिद्धायतणे पण्णत्ते एगं जोयणसयं आयामेणं पण्णासं जोयणाई विक्खंभेणं बावत्तरि जोयणाई उड्ढे उच्चत्तेणं सभागमएणं जाव गोमाणसियाओ भूमिभागा उल्लोया तहेव / तस्स ण सिद्धायतणस्स बहुमज्झदेसभाए एत्थ णं महेगा मणिपेढिया पण्णत्ता, सोलस जोयणाई आयामविक्खंभेणं अट्ठ जोयणाई बाहल्लेणं तीसे णं मणिपेढियाए उवरिं एत्थ णं महेगे देवच्छंदए पण्णत्ते सोलस जोयणाई आयामविक्खंभेणं साइरेगाइं सोलस जोयणाई उड्ढे उच्चत्तेणं सव्वरयणामए जाव पडिरूवे एत्थ णं अट्ठसयं जिणपडिमाणं जिणुस्सेहप्पमाणमित्ताणं संणिखित्तं संचिट्ठइ तासि णं जिंणपडिमाणं इमेयारूवे वण्णावासे पण्णत्ते तंजहा–तवणिजमया हत्थतल-पायतला अंकामयाइं णवखाई अंतोलोहियक्त्रपडिसेगाई कणगामईओ जंघाओ कणगामया जाणू कणगामया उरु कणगामईओ गायलट्ठीओ तवणिजमयाओ णाभीओ रिट्ठामइओ रोमराईओ तवणिजमया चुचुया तवणिजमया सिरिवच्छा सिलप्पवालमया ओढा फालियामया दंता, तवणिजमईओ जीहाओ तवणिजमया तालुया कणगामईओ णासिगाओ अंतोलोहियक्खपडिसेगाओ अंकामयाणि अच्छीणि अंतोलोहियक्खपडिसेगाणि रिट्ठामईओ ताराओ रिट्ठामयाणि अच्छिएराणि रिटामईओ एमुद्दरओ कणरामया कवोला कणगामया सवणा कणगामईओ णिडालपट्टियाओ वइरामईओ सीसघडीओ तवणिजमईओ केसंतकेसभूमीओ रिट्ठामया उवरि मुद्धया। तासि णं जिणपडिमाणं पिट्ठओ पत्तेयं पत्तेयं छत्तधारगपडिमाओ पणत्ताओ, ताओणं छत्त धारगपडिमाओ हिमरययकुंदेदुप्पगासाई
