________________ अनंगपविद्वसुत्ताणि मया अवलंबणा अवलंबणबाहाओ य पासादीया जाव पडिरूवा / तेसि णं तिसोवाणपडिरूवगाणं पुरओ पत्तेयं पत्तेयं तोरणं पण्णत्तं, तेसि णं तोरणाणं इमे एयासवे वण्णावासे प० तं०-तोरणा णाणामणिमया णाणामणिमएसु थंभेसु उवणिविठ्ठसंणिविविविहमुत्तरारूवोववचिया विविहतारारूवोवचिया जाव पडिरूवा / तेसि णं तोरणाणं उप्पिं अहट्टमंगलगा पण्णत्ता, तंजहा-सोत्थियसिरिवच्छणंदियावत्तवद्धमाणगभद्दासणकलसमच्छदप्पणा जाव पडिरूवा / तेसिं च णं तोरणाणं उप्पिं बहवे किण्हचामरज्झए जाव सुकिल्लचामरज्झए अच्छे सण्हे रुप्पपटे वइरामयदंडे जलयामलगंधिए सुरम्मे पासादीए दरिसणिजे अभिरूवे पडिरूवे विउव्वइ / तेसि ण तोरणाणं उप्पिं बहवे छत्ताइच्छत्ते पडागाइपडागे घंटाजुयले उप्पलहत्थए कुमुयणलिणसुभगसोगंधियपोंडरीयमहापोंडरीयसयपत्तसंहस्सपत्तहत्थए सव्वरयणामए भच्छे जाव पडिरूवे विउव्वइ / तए णं से आभिओगिए देवे तस्स दिव्वस्स जाणविमाणस्स अंतो बहुसमरमणिजं भूमिभागं विउव्वइ / से जहाणामए आलिंगपुक्खरे इ वा मुइंगपुक्खरे इ वा सरतले इ वा करतले इ वा चंदमंडले इ वा सूरमंडले इ वा आयंसमंडले इ वा उरभचम्मे इ वा वसहचम्मे इवा वराहचम्मे इ वा सीहचम्मे इ वा वग्धचम्मे इ वा मिगचम्मे इ वा छगलचम्मे इ वा दीवियचम्मे इ वा अणेगसंकुकीलगसहस्सवियए णाणाविहपंचवण्णेहिं मणीहिं उवसोभिए आवडपच्चावडसेढिपसेढिसोत्थियसोवस्थियपूसमाणगवद्धमाणगमच्छंडगमगरंडगजारमारफुल्लावलिपउमपत्तसागरतरंगवसंतलयपउमलयभत्तिचित्तेहिं सच्छाएहिं सप्पभेहिं समरीइएहिं सउज्जोएहिं णाणाविहपंचवण्णेहिं मणीहिं उवसोभिए तंजहा-किण्हेहिं णीलेहिं लोहिएहिं हालिदेहिं सुकिल्लेहि, तत्थ णं जे ते किण्हा मणी तेसिणं मणीणं इमे एयारूवे वण्णावासे पण्णत्ते, से जहाणामए जीमूतए इ वा अंजणे इ वा खंजणे इ वा कजले इ वा गवले इ वा गवलगुलिया इ वा भमरे इ वा भमरावलिया इ वा भमरपतंगसारे इ वा जंबूफले इ वा अद्दारिठे इ वा परहुए इ वा गए इ वा गयकलमे इ वा किण्हसप्पे इ वा किण्हकेसरे इ वा आगासथिग्गले इ वा किण्हासोए इ वा किण्हकणवीरे इ वा किण्हबंधुजीवे इ वा, भवे एयारूवे सिया ?, णो इणढे समठे, ओवम्मं समणाउसो ! ते णं किण्हा मणी इत्तो इतराए चेव कंततराए चेव मणुण्णतराए चेव मणामतराए चेव वण्णेणं पण्णत्ता / तत्थ णं जे ते णीला मणी तेसि णं मणीणं इमे एयारूवे वण्णावासे पण्णत्ते, से जहाणामए भिंगे इ वा भिंगपत्ते इ वा
