________________ पण्णवणासुत्तं प० 34 583 अच्छराओ ओरालाई सिंगाराई मणुण्णाई मणोहराई मणोरमाई उत्तरवेउव्वियस्वाई विउव्वंति विउवित्ता तेसि देवाणं अंतियं पाउब्भवंति, तए णं ते देवा ताहिं अच्छराहिं सद्धिं कायपरियारणं करेंति / से जहाणामए सीया पोग्गला सीयं पप्प सीयं चेव अइवइत्ताणं चिट्ठति, उसिणा वा पोग्गला उसिणं पप्प उसिणं चेव अइवत्ताणं चिट्ठति, एवमेव तेहिं देवेहिं ताहिं अच्छराहिं सद्धिं कायपरियारणे कए समाणे से इच्छामणे खिप्पामेव अवेइ // 678 // अस्थि गं भंते ! तेसिं देवाणं सुकपोग्गला ? इंता ! अस्थि / तेणं भंते ! तासिं अच्छसणं कीसत्ताए भुजो भुजो परिणमंति ! गोयमा ! सोइंदियत्ताए चक्खुइं दियत्ताए घाणिदियत्ताए रसिदियत्ताए फासिंदियत्ताए इट्टत्ताए कंतत्ताए मणुण्णत्ताए मणामत्ताए सुभगत्ताए सोहमारूवजोव्वणगुणलावण्णत्ताए ते तासिं भुजो भुजो परिणमंति // 679 / / तत्थ णं जे ते फ़ासपरियारगा देवा तेसि णं इच्छामणे समुप्पजद, एवं जहेव कायपरियारगा तहेव गिरवसेसं भाणियव्वं / तत्थ णं जे ते रूवपरियारगा देवा तेसि गं इच्छामणे समुप्पज्जइ'इच्छामो णं अच्छराहिं सद्धिं रूवपरियारणं करेत्तए,' तए णं तेहिं देवेहिं एवं मणसीकए समाणे तहेव जावं उत्तरवेउव्वियाई रुवाई विउव्वित्ता जेणामेव ते देवा तेणामेव उवागच्छंति उवागच्छित्ता तेसिं देवाणं अदरसामंते ठिच्चा ताई उरालाई जाव मणोरमाई उत्तरवेउन्चियाई रुवाइं उवदंसेमाणीओ 2 चिटुंति, तए णं ते देवा ताहिं अच्छराहिं सद्धिं स्वपरियारणं करेंति, सेसं तं चेव जाव भुजो भुजो परिणमंति / तत्थ णं जे ते सद्दपरियारगां देवा तेसि णं इच्छामणो समुप्पजइ-- 'इच्छामो णं अच्छराहिं सद्धिं सद्दपरियारणं करेत्तए,' तए णं तेहिं देवेहिं एवं मणसीकर समाणे तहेव जाव उत्तरखे उब्वियाई रुवाइं विउव्वंति विउवित्ता जेणामेव ते देवा तेणामेव उवागच्छंति उवागच्छित्ता तेसिं देवाणं अदूरसामंते ठिच्चा अणुत्तराई उच्चावयाई सद्दाई. समुदीरेमाणीओ 2 चिट्ठति. तए णं ते देवा ताहिं अच्छराहिं सद्धिं सहपरियारणं करेंति, सेसं तं चेव जाव भुजो भुजो परिणमंति / तत्थ णं जे ते मणपरियारगा देवा तेसिं इच्छामणे समुपजइ--'इच्छामो णं अच्छराहिं सद्धिं मणपरियारणं करेत्तए,' तए णं तेहिं देवेहिं एवं मणसीकए समाणे खिप्पामेव ताओ अच्छराओ तत्थ-गयाओ चेव समाणीओ अणुत्तराई उच्चावयाई मणाई संपहारेमाणीओ 2 चिट्ठति, तए णं ते देवा लाहिं अच्छराहि सद्धि मणपरियारणं करेंति, सेसं गिरवसेसं तं चेव जाव भुजो भुजो परिणमंति // 680 // एएसि
