________________ पण्णवणासुत्तं प० 26 573 वइजोगी जहा सम्मामिच्छद्दिट्टी, णवरं वइजोगो विगलिदियाण वि / कायजोगीसु जीवेगिंदियवजो तियभंगो, अजोगी जीवमणूस सिद्धा अणाहारगा ॥दारं 9 // सागाराणागारोवउत्तेसु जीवेगिंदियवजो तियभंगो, सिद्धा अणाहारगा // दारं 10 // सवेयए जीवेगिंदियवजो तियभंगो, इथिवेययपुरिसवेयएसु जीवाइओ तियभंगो, णपुंसगवेयए य जीवेगिंदियवजो तियभंगो, अवेयए जहा केवलणाणी // दारं 11 // 656 // ससरीरी जीवेगिंदियवजो तियभंगो, ओरालियसरीरीजीवमणूसेसु तियभंगो, अवसेसा आहारगा, णो अणाहारगा जेसिं अत्थि ओरालियसरीरं, वेउव्वियसरीरी. आहारगसरीरी य आहारगा, णो अणाहारगा जेसिं अत्थि, तेयकम्मगसरीरी जीवेगिदियवजो तियभंगो, असरीरी जीवा सिद्धा य णो आहारगा, अणाहारगा // दारं 12 // आहारपजत्तीए पजत्तए सरीरपजत्तीए पजत्तए इंदियपजत्तीए पजत्तए आणापाणुपजत्तीए पजत्तए भासामणपजत्तीए पजत्तए एयासु पंचसु वि पजत्तीसु जीवेसु मणूसेसु य तियभंगो, अवसेसा आहारगा, णो अणाहारगा, भासा. मणपजत्ती पंचिंदियाणं, अवसेसाणं णत्थि / आहारपजत्तीअपजत्तए णो आहारए, अणाहारए एगत्तेण वि पुहुत्तेण वि, सरीरपजत्तीअपजत्तए सिय आहारए सिय अणाहारए, उवरिल्लियासु चउसु अपजत्तीसु णेरइयदेवमणूसेसु छब्भंगा, अवसेसाणं जीवेगिंदियवजो तियभंगो, भासामणपजत्तएसु जीवेसु पंचिंदियतिरिक्खजोणिएसु य तियभंगो, णेरइयदेवमणुएसु छन्भंगा / सव्वपएसु एगत्तपुहत्तेणं जीवाइया दंडगा पुच्छाए भाणियव्वा जस्स जं अस्थि तस्स तं पुच्छिजइ, जस्स जं णत्थि तस्स तं ग पुच्छिजई जाव भासामणपजत्तीअपजत्तएसु णेरड्यदेवमणुएसु छन्भंगा, सेसेसु तियभंगो // 657 // दारं 13 // बीओ उद्देसओ समत्तो / पण्णवणाए भगवईए अट्ठावीसइमं आहारपयं समत्तं // . ' एगूणतीसइमं उवओगपयं कइविहे गं भंते ! उवओगे पण्णत्ते ! गोयमा ! दुविहे उवओगे पण्णत्ते / तंजहा-सांगारोवओगे य अणागारोवओगे य / सागारोवओगे णं भंते ! कइविहे पण्णत्ते ? गोयमा ! अट्टविहे पण्णत्ते / तंजहा-आभिणिबोहियणाणसागारोवओगे, सुयणाणसागारोवओगे, ओहिणाणसागारोवओगे, मणपजवणाणसागारोवओगे, केवल
