________________ पण्णवणासुत्तं प० 21 537 दवट्टयाए अर्सखेजगुणा, ओरालियसरीरा दव्वट्ठयाए असंखेजगुणा, ओरालियसरीरेहिंतो दव्वठ्ठयाएहितो आहारगसरीरा पएसट्टयाए अणंतगुणा, वेउव्वियसरीरा पएसट्ठयाए असंखेजगुणा, ओरालियसरीरा पएसट्टयाए असंखेजगुणा, तेयाकम्मा दोवि तुल्ला दवट्ठयाए अणंतगुणा, तेयगसरीरा पएसट्टयाए अणंतगुणा, कम्मगसरीरा पएसइयाए अणंतगुणा // 580 // एएसि गं भंते ! ओरालियवेउव्वियआहारगतेयगकम्मगसरीराणं जहणियाए ओगाहणाए उक्कोसियाए ओगाहणाए जहणुकोसियाए ओगाहणाए कयरे कयरेहितो अप्पा या 4 1 गोयमा ! सव्वत्थोवा ओरालियसरीरस्स जहणिया ओगाहणा, तेयाकम्मगाणं दोण्ह वि तुला जहणिया ओगाहणा विसेसाहिया, वेउब्वियसरीरस्स जहणिया ओगाहणा असंखेजगुणा, आहारगसरीरस्स जहणिया ओगाहणा असंखेजगुणा / उक्कोसियाए ओगाहणाए-सव्वत्थोवा आहा. रगसरीरस्स उक्कोसिया ओगाहणा, ओरालियसरीरस्स उक्कोसिया ओगाहणा संखेजगुणा, वेउब्धियसरीरस्स उक्कोसिया ओगाहणा संखेजगुणा, तेयाकम्मगाणं दोण्ह वि तुल्ला उक्कोसिया ओगाहणा असंखेजगुणा। जहणुकोसियाए ओगाहणाए-सव्वत्थीवा ओरालियसरीरस्स जहणिया ओगाहणा, तेयाकम्मगाणं दोह वि तुल्ला जहणिया ओगाहणा विसेसाहिया, वेउव्वियसरीरस्स जहणिया ओगाहणा असखेजगुणा, आहारगसरीरस्स जहणिया ओगाहणा असंखेजगुणा, आहारगसरीरस्स जहणियाहिंतो ओगाहणाहिंतो तस्स चेव उक्कोसिया ओगाहणा विसेमाहिया, ओरालियसरीरस्स उक्कोसिया ओगाहणा संखेजगुणा, वेउव्वियसरीरस्स उक्कोसिया ओगाहणा संखेजगुणा, तेयाकम्मगाणं दोण्ह वि तुल्ला उक्कोसिया ओगाहणा असंखेगुणा // 585 / / पण्णवणाए भगवईए एंगवीसइमं ओगाहणासंठाणपयं समत्तं बावीसइमं किरियापयं कह णं भंते ! किरियाओ पण्णत्ताओ 1 गोयमा ! पंच किरियाओ पणत्ताओ। तंजा-काइया 1, अहिंगरणिया 2, पाओसिया 3, पारियावणिया 4, पाणाइवायकिरिया 5 / काइयां णं भंते ! किरिया कइविहा पण्णत्ता ? गोयमा! दुविहा पण्णत्ता। तंजहा-अणुवरयकाइया य दुप्पउत्तकाइया य / अहिगरणिया गं भंते ! किरिया कइविहा पण्णत्ता ! गोयमा ! दुविहा पण्णत्ता / तजहा-संजोयणाहिगरणिया य
