________________ 518 अनंगपविट्ठसुत्ताणि चउरिंदिया णो अणंतरागया अंतकिरियं पकरेंति, परंपरागया अंतकिरियं पकरेंति / . सेसा अणंतरागया वि अंतकिरियं पकरेंति, परंपरागया वि अंतकिरियं पकरेंति // 557 // अणंतरागया० णेरइया एगसमए केवइया अंतकिरियं पकरेंति ? गोयमा ! जहण्णेणं एक्को वा दो वा तिण्णि वा, उक्कोसेणं दस / रयणप्पभापुढवीणेरड्या वि एवं चेव जाव वालुयप्पभापुढवीणेरइया। अणंतरागया | भंते ! पंकप्यभापुढवीणेरइया एगसमएणं केवइया अंतकिरियं पकरेंति ? गोयमा ! जहण्णेणं एको वा दो वा तिण्णि वा, उक्कोसेणं चत्तारि / अणंतरागया णं भंते ! असुरकुमारा एगसमए केवइया अंतकिरियं पकरेंति ? गोयमा ! जहण्णेणं एको वा दो वा तिण्णि वा, उक्को. सेणं दस / अणंतरागयाओ णं भंते! असुरकुमारीओ एगसमए केवड्या अंतकिरियं पकरेंति ? गोयमा ! जहण्णेणं एको वा दो वा तिण्णि वा, उक्कोसेणं पंच / एवं जहा असुरकुमारा सदेवीया तहा जाव थणियकुमारा। अणंतरागया णं भंते ! पुढविकाइया एगसमएणं केवइया अंतकिरियं पकरेंति ? गोयमा! जहण्णेणं एको वा दो वा तिण्णि वा, उक्कोसेणं चत्तारि। एवं आउकाइया वि चत्तारि, वणस्सहकाइया छच्च, पंचिंदियतिरिक्खजोणिया दस, तिरिक्खजोणिणीओ दस, मंणुस्सा दस, मणुस्सीओ वीसं, वाणमंतरा दस, वाणमंतरीओ पंच, जोइसिया दस, जोइसिणीओ वीसं, वेमाणिया अहसयं, वेमाणिणीओ वीसं ॥५५८॥णेरइए णं भंते! गेरइएहिंतो अणंतरं उव्वट्टित्ता णेरइएसु उववजेजा ? गोयमा ! णो इणढे समढे / णेरइए णं भंते ! णेरइएहितो अणंतरं उव्वट्टित्ता असुरकुमारेसु उववजेजा ? गोयमा! णो इणढे समढे / एवं णिरंतरं जाव चउरिदिएसु पुच्छा / गोयमा! णो इणढे समढे। णेरइए भंते ! णेरइ. एहितो अणंतरं उव्वट्टित्ता पंचिंदियतिरिक्खजोणिएसु उववजेजा ? गोयमा! अत्थेगइए उववजेजा, अत्थेगइए णो उववजेजा। जे णं भंते ! णेरइएहितो अणंतरं उ. पंचिंदियतिरिक्खजोणिएसु उववज्जेजा से णं भंते ! केवलिपण्णत्तं धम्मं लभेजा सवणयाए ? गोयमा ! अत्थेगइए लभेजा, अत्थेगइए णो लभेजा / जे णं भंते ! केवलिपण्णत्तं धम्मं लभेजा सवणयाए से णं केवलिं बोहिं बुज्झेजा ? गोयमा ! अन्थेगइए बुज्झेजा, अत्थेगइए णो बुज्झेजा। जे णं भंते! केवलिं बोहिं बुज्झेजा, सेणं सद्दहेजा पत्तिएजा रोएजा ? गोयमा ! सद्दहेजा, पत्तिएजा, रोएजा / जे णं भंते ! सद्दहेजा पत्तिएजा रोएजा से णं आभिणिबोहियणाणसुयणाणाई उम्पाडेजा ! हंता गोयमा ! उप्पाडेजा / जे णं भंते ! आमिणिबोहियणाणसुयणाणाई उप्पाडेजा से णं