________________ पण्णवणासुत्तं प० 17 उ. 4 501 पासइ / से केणटेणं भंते ! एवं वुच्चइ-'काउलेस्से गंणेरइए जाव विसुद्धतरागं खेत्तं पासइ' 1 गोयमा ! से जहाणामए केइ पुरिसे बहुसमरमणिजाओ भूमिभागाओ पव्वयं दुरूहइ दुरूहित्ता दो वि पाए उच्चाविया (वइत्ता) सव्वओ समंता सममिलोएजा, तए णं से पुरिसे पव्वयगयं धरणितलगयं च पुरिसं पणिहाय सव्वओ समंता समभिलोएमाणे 2 बहुतरागं खेत्तं जाणइ, बहुतरागं खेत्तं पासइ जाव वितिमिरतरागं खेत्तं पासइ, से तेणटेणं गोयमा ! एवं वुच्चइ-काउलेस्से ण णेरइए णीललेस्सं णेरइयं पणिहाय तं चेव जाव वितिमिरतरागं खेत्तं पासई' // 5.3 // कण्हलेसे णं भंते ! जीवे कइसु णाणेसु होबा 1 गोयमा! दोसु वा तिसु वा चउसु वा णाणेसु होजा, दोसु होमाणे आमिणिबोहियसुयणाणे होजा, तिसु होमाणे आभिणिबोहियसुयणामओहिणाणेसु होजा, अहवा तिसु होमाणे आमिणिबोहियसुयमाणमणपजवणाणेसु होजा, चउसु होमाणे आभिणिबोहियसुयओहिमणपजवणाणेसु होजा, एवं जाव पम्हलेसे / सुक्कलेसे णं भंते ! जीवे कइसु णाणेसु होजा 1 गोयमा ! दोसु वा तिसु वा चउसु वा होजा, दोसु होमाणे आमिणिबोहियणाण एवं जहेव कण्डलेमाणं तहेव भाणियव्वं जाव चउहि / एगंमि गाणे होमाणे एगंमि केवलणाणे होजा // 50 // पण्णवणाए भगवईए सत्तरसमे लेस्सापए तइओ उद्देसओ समत्तो॥ ___ लेस्सापए चउत्थो उद्देसओ . परिणामवण्णरसगंधसुद्धअपसत्थसंकिंलिट्ठण्हा। गइपरिणामपएसोगाढवगणठाणाणमप्पबहुं // 1 // कइ णं भंते ! लेसाओ पण्णत्ताओ ? गोयमा ! छलेसाओ पण्णत्ताओ। तंजहा-कण्हलेसा जाव सुक्कलेसा / से गूणं भंते ! कण्हलेस्सा णीललेस्सं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुजो 2 परिणमइ ? हंता गोयमा ! कण्हलेस्सा णीललेस्सं पप्प तारूवत्ताए जाव भुजो 2 परिणमइ / से केणद्वेणं भंते ! एवं बुच्चइ-'कण्हलेस्सा णीललेस्सं पप्प तारूवत्ताए जाव भुजो 2 परिणमइ' 1 गोयमा ! से जहा णामए खीरे दूसिं पप्प सुद्धे वा वत्थे रागें पप्प तारूवत्ताए जाव ताफासत्ताए भुजो 2 परिणमइ, से तेणटेणं गोयमा! एवं वुच्चइ-'कण्हलेस्सा णीललेस्सं पप्प तारूवत्ताए जाव भुजो 2 परिणमई' / एवं एएणं अभिलावेणं णीललेसा काउलेसं पप्प, काउलेसा तेउलेसं पप्प, तेउलेसा पम्हलेसं
