________________ पण्णवणासुत्तं प०.१७ उ. 2 493 णियाणं चेव, ण सेसाणं ति // 485 // पण्णवणाए भगवईए सत्तरसमे लेस्सापए पढमो उद्देसओ समत्तो॥ बीओ उद्देसओ का गं भंते ! लेसाओ पण्पत्ताओ ? गोयमा ! छल्लेसाओ पण्णत्ताओ। तंजहाकण्हलेसा, णीललेसा, काउलेसा, तेउलेसा, पम्हलेसा, सुक्कलेसा // 486 // णेरइयाणं भंते ! कइ लेसाओ पण्णत्ताओ ? गोयमा ! तिणि तंजहा-किण्हलेसा, णीललेसा, काउलेसा / तिरिक्खजोणियाणं. भंते! कइ लेस्साओ पण्णत्ताओ ! गोयमा ! छल्लेस्साओ पण्णत्ताओ / तंजहा-कण्हलेस्सा जाव सुक्कलेस्सा। एगिदियाणं भंते!कह लेसाओ पण्णत्ताओ ! गोयमा! चत्तारि लेसाओ पण्णत्ताओ। तंजहा-कण्हलेसा जाव तेउलेसा / पुढविकाइयाणं भंते ! कइ लेसाओ पण्णत्ताओ? गोयमा ! एवं चेव / आउवणस्सइकाइयाण वि.एवं चेव / तेउवाउबेइंदियतेइंदियचरिदियाणं जहा णेरइयाणं / पंचेंदियतिरिक्खजोणियाणं पुच्छा। गोयमा! छलेसा-कण्हलेसा जाप सुक्कलेसा / समुच्छिमपंचेंदियतिरिक्खजोणियाणं पुच्छा। गोयमा! जहा णेरइयाणं / गब्भवक्कंतियपंचेंदियतिरिक्खजोणियाणं पुच्छा / गोयमा ! छल्लेसा-कण्हलेसा जाव सुक्कलेसा / तिरिक्खजोणिणीणं पुच्छा। गोयमा ! छल्लेसा एयाओ चेव / मणूसाणं पुच्छा / गोयमा ! छलेसा एयाओ चेव / संमुच्छिममणुस्साणं पुच्छा / गोयमा ! जहा णेरइयाणं / गम्भवक्कंतियमणुस्साणं पुच्छा। गोयमा ! छल्लेसाओ० तंजहा-कण्हलेसा जाव सुक्कलेसा / मणुस्सीणं पुच्छा / गोयमा ! एवं चेव / देवाणं पुच्छा। गोयमा! छ एयाओ केव / देवीणं पुच्छा / गोयमा! चत्तारि-कण्हलेसा जाव तेउलेसा / भवणवासीणं भंते ! देवाणं पुच्छा / गोयमा ! एवं चेव, एवं भवणवासिणीण वि। वाणमंतरदेवाणं पुच्छा / गोयमा ! एवं चेष, एवं वाणमंतरीण वि। जोइसियाणं पुच्छा / गोयमा ! एगा तेउलेसा, एवं जोइसिणीण वि / वेमाणियाणं पुच्छा। गोयमा ! तिण्णि० तंजहा-तेउलेसा, पम्हलेसा, सुक्कलेसा। वेमाणिणीणं पुच्छा / गोयमा ! एगा तेउलेसा // 487|| एएसि णं भंते ! जीवाणं सलेस्साणं कण्हलेस्साणं जाव सुक्कलेस्साणं अलेस्साण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सुक्कलेसा, पम्हलेसा संखेजगुणा,
