________________ 486 अनंगपविट्ठसुत्ताणि किं तं उववायगई.१ उववायगई तिविहा पणत्ता / तंजहा-खेत्तोववायगई, भवोववायगई, णोभवोववायगई / से किं तं खेत्तोववायगई ? खेत्तोववायगई. पंचविहा पण्णत्ता। तंजहा-णेरइयखेत्तोववायगई 1, तिरिक्खजोणियखेत्तोववायगई 2, मणूसखेत्तोववायगई 3, देवखेत्तोववायगई 4, सिद्धखेत्तोववायगई 5 / से कि तं णेरइयखेत्तोववायगई ? णेरइयखेत्तोववायगई सत्तविहा पण्णत्ता। तंजहा-रयणप्पभापुढविणेरइयखेत्तोववायगई जाव अहेसत्तमापुढविणेरइयखेत्तोववायगई / से त्तणेरइयखेत्तोववायगई 1 / से कि तं तिरिक्खजोणियखेत्तोववायगई ? तिरिक्खजोणियखेत्तोववायगई पंचविहा पण्णत्ता। तंजहा-एगिदियतिरिक्खजोणियखेत्तोववायगई नाव पंचिंदियतिरिक्खजोणियखेत्तोववायगई / सेत्तं तिरिक्खजोगियखेत्तोववायगई 2 / से किं तं मणूसखेत्तोववायगई ? मणूसखेत्तोववायगई दुविहा पण्णत्ता, तंजहासंमुच्छिममणूसखेत्तोववायगई, गब्भवकंतियमणूसखेतोववायगई / सेत्तं मणूसखेतोववायगई 3 / से किं तं देवखेत्तोववायगई ! देवखेत्तोववायगई चउविहा पण्णत्ता। तंजहा-भवणवई० जाव वेमाणियदेवखेत्तोववायगई / सेत्तं देवखेत्तोववायगई 4 // 468 // से किं तं सिद्धखेत्तोववायगई / सिद्धखेत्तोववायगई अणेगविहा पणत्ता। तंजहा-जंबुद्दीवे दीवे भरहेरवयवासे सपक्खि 'सपडिदिसि सिद्धखेत्तोववायगई, जंबद्दीवे दीवे चुलहिमवंतसिहरिवासहरपव्वयसपक्खि सपडिदिसिं सिद्धखेत्तोववायगई, जंबुद्दीवे दीवे हेमवयहेरण्णवाससपक्खि सपडिदिसि सिद्धखेत्तोववायगई, जंबुद्दीवे दीवे सद्दावइवियडावइवट्टवेयसपक्खि सपडि दिसिं सिद्धखेत्तोववायगई, जंबुद्दीवे दीवे महाहिमवंतरप्पिवासहरपव्वयसपक्खि सपडिदिसि सिद्धखेत्तोववायगई, जंबुद्दीवे दीवे हरिवासरम्मगवाससपक्खि सपडिदिसिं सिद्धखेत्तोववायगई, जंबुद्दीवे दीवे गंधावाइमालवंतपव्वयवट्टवेयड्सपक्खि सपडि दिसिं सिद्धखेत्तोववायगई, जंबुद्दीवे दीवे णिसहणीलवंतवासहरपव्वयसपक्खि सपडिदिसि सिद्धखेत्तोववायगई, जंबुद्दीवे दीवे पुव्वविदेहावरविदेहसपक्खि सपडिदिसिं सिद्धखेत्तोववायगई, जंबुद्दीवे दीवे देवकुरुउत्तरकुरुसपक्खि सपडिदिसि सिद्धखेत्तोववायगई, जंबुद्दीवे दीवे मंदरपब्वयस्स सपक्खि सपडिदिसि सिद्धखेत्तोववायगई, लवणे समुद्दे सपक्खि सपडिदिसिं सिद्धखेत्तोववायगई, धायइसंडे दीवे पुरिमद्धपच्चत्थिमद्धमंदरपव्ययसपविख सपडिदिसि सिद्धखेत्तोववायगई, कालोयसमुद्दे सपक्खि सपडिदिसि सिद्धखेत्तोववायगई, पुक्खरवरदीवद्धपुरस्थिमदभरहेरवयवाससपक्खि सपडि दि सिं सिद्धखेत्तोववायगई, एवं
