________________ पण्णवणासुत्तं प० 16 481 रइयाणं भंते ! किं सच्चमणप्पओगी जाव किं कम्मासरीरकायप्पओगी 111 गोयमा ! णेरइया सव्वे वि ताव होजा सच्चमणप्पओगी वि जाव वेउव्वियमीसासरीरकायप्प ओगी वि, अहवेगे य कम्मासरीरकायप्पओगी य 1, अहवेगे य कम्मासरीरकायप्पओगिणो य 2, एवं असुरकुमारा वि जाव थणियकुमाराणं / पुद विकाइया णं भंते ! कि ओरालियसरीरकायप्पओगी ओरालियमीसासरीरकायप्पओगी कम्मासरीरकायप्पओगी ? गोयमा! पुढविकाइया ओरालियसरीरकायप्पओगी वि ओरालियमीससरीरकायप्पओगी वि कम्मासरीरकायप्पओगी वि, एवं जाव वणप्फइकाइ. याणं / णवरं वाउक्काइया वेउव्वियसरीरकायप्पओगी वि वेउव्वियमीसासरीरकायप्प ओगी वि / बेइंदिया णं भंते ! कि ओरालियसरीरकायप्पओगी जाव कम्मासरीर. कायपओगी ! गोयमा ! बेइंदिया सब्वे वि ताव होजा असच्चामोसवहप्पओगी वि ओरालियसरीरकायप्पओगी वि ओरालियमीससरीरकायप्पओगी वि, अहवेगे य कम्मासरीरकायप्पओगी य अहवेगे य कम्मासरीरकायप्पओगिणो य, एवं जाव चउरिदिया वि / पंचिदियतिरिक्खजोणिया जहा णेरइया, णवरं ओरालियसरीरकायप्पओगी वि, ओरालियमीसासरीरकायप्पओगी वि, अहवेगे य कम्मासरीरकायप्पओगी य, अहवेगे य कम्मासरीरकायप्पओगिणो य // 463 // मणूसा णं भंते ! किं सच्चमणप्पओगी जाव किं कम्मासरीरकायप्पओगी ? गोयमा! मणूसा सव्वे वि ताव होजा सच्चमणप्पओगी विजाव ओरालियसरीरकायप्पओगी वि, वेउब्वियसरीरकायप्पओगी वि, वेउब्वियमीससरीरकायप्पओगी वि, अहवेगे य ओरालियमीसासरीरकायप्पओगी य, अहवेगे य ओरालियमीसासरीरकायप्पओगिणो य 2, अहवेगे य आहारगसरीरकायप्पओगी य, अहवेगे य आहारगसरीरकायप्पओगिणो य 2, अहवेगे य आहारगमीसासरीरकायप्पओगी य, अहवेगे य आहारगमीसासरीरकायप्पओगिणो य 2, अहवेगे य कम्मगसरीरकायप्पओगी य, अहवंगे य कम्मगसरीरकायप्पओगिणो य 2, एए अट्ठ भंगा पत्तेयं / अहवेगे य ओरालियमीससरीरकायप्पओगी य आहारगसरीरकायप्पओगी य 1, अहवेगे य ओरालियमीसासरीर. कायप्पओगी य आहारगसरीरकायप्पओगिणो य 2. अहवेगे य ओरालियमीसासरीरकायप्पओगिणो य आहारगमीसासरीरकायप्पओगी य 3, अहवेगे य ओरालियमीसासरीरकायप्पओगिणो य आहारगसरीरकायप्पओगिणो य 4 एवं एए चत्तारि भंगा, अहवेगे य ओरालियमीसासरीरकायप्पओगी य आहारगमीसासरीरकायप्प.
