________________ 480 अनंगपविट्ठसुत्ताणि कायप्पओगे 14, कम्मासरीरकायप्पओगे 15 // 460 // जीवाणं भंते ! कइविहे पओगे पण्णत्ते ? गोयमा ! पण्णरसविहे प० पण्णत्ते / तंजहा-सच्चमणप्पओगे जाव कम्मासरीरकायप्पओगे। णेरइयाणं भते ! कइविहे पओगे पण्णत्ते ? गोयमा ! एक्कारसविहे पओगे पण्णत्ते / तंजहा-सच्चमणप्पओगे जाव असच्चामोसवइप्पओगे वेउब्वियसरीरकायप्पओगे,वेउब्वियमीससरीरकायप्पओगे, कम्मासरीरकायप्पओगे। एवं असुरकुमाराण वि जाव थणियकुमाराणं / पुढविकाइयाणं पुच्छा। गोयमा ! तिविहे पओगे पण्णत्ते / तंजहा-ओरालियसरीरकायप्पओगे, ओरालियमीससरीर. . कायप्पओगे, कम्मासरीरकायप्पओगे य / एवं जाव वणस्सइकाइयाणं, णवरं वाउकाइयाणं पंचविहे पओगे पण्णत्ते / तँजहा-ओरालियसरीरकायप्यओगे, ओरालियमीससरीरकायप्पओगे, वेउविए दुविहे, कम्मासरीरकायप्पओगे य / बेइंदियाणं पुच्छा / गोयमा! चउविहे पओगे पण्णत्ते / तंजहा-असच्चामोसवइप्पओगे, ओरालियस रीरकायप्पओगे, ओरालियमीससरीरकायप्पओगे, कम्मासरीरकायप्पओगे। एवं जाव चउरिंदियाणं / पंचिंदियतिरिक्खजोणियाणं पुच्छा / गोयमा ! तेरस विहे पओगे पण्णत्ते / तंजहा–सञ्चमणप्पओगे, मोसमणप्पओगे, सञ्चामोसमणप्पओगे, असच्चामोसमणप्पओगे, एवं वइप्पओगे वि, ओरालियसरीरकायप्पओगे, ओरालियमीससरीरकायप्पओगे, वेउब्वियसरीरकायप्पओगे, वेउब्वियमीससरीरकायप्प ओगे, कम्मासरीरकायप्पओगे / मणूसाणं पुच्छा। गोयमा! पण्णरसविहे पओगे पण्णत्ते / तंजहा-सच्चमणप्पओगे जाव कम्मासरीरकायप्पओगे।वाणमंतरजोइसियवेमाणियाणं जहा रयाणं // 46 // जीवा गं भंते ! किं सच्चमणप्पओगी जाव किं कम्मासरीरकायप्पओगी ? गोयमा ! जीवा सव्वे वि ताव होज सच्चमणप्पओगी वि जाव वेउव्वियमीससरीरकायप्पओगी वि कम्मासरीरकायप्पओगी वि 13 / अहवेगे य आहारगसरीरकायप्पओगी य 1, अहवेगे य आहारगसरीरकायप्पओगिणो य 2, अहवेगे य आहारगमीससरीरकायप्पओगी य 3, अहवेगे य आहारगमीससरीरकायप्पओगिणो य 4 चउभंगो / अहवेगे य आहारगसरीरकायप्पओगी य आहारगमीससरीरकायप्पओगी य 1, अहवेगे य आहारगसरीरकायप्पओगी य आहारगमीसासरीरकाययप्पओगिणो य 2, अहवेगे य आहारगसरीरकायप्पओगिणो य आहारगमीसासरीरकायप्पओगी य 3, अहवेगे य आहारंगसरीरकायप्पओगिणो य आहारगमीसासरीरकायप्पओगिणो य 4, एए जीवाणं अट्ठ भंगा 1 // 462 //
