________________ 474 अनंगपविट्ठसुत्ताणि पण्णत्ते, अत्थोग्गहे चउन्विहे पण्णत्ते, सेसाणं जहा णेरइयाणं जाव वेमाणियाणं 9-10 // 451|| कइविहा णं भंते ! इंदिया पण्णत्ता ? गोंयमा ! दुविहा परणत्ता। तंजहा-दविदिया य भाविंदिया य / कइ णं भंते ! दविदिया पण्णत्ता ? गोयमा! अट्ठ दबिंदिया पण्णत्ता / तंजहा-दो सोत्ता, दो णेत्ता, दो घाणा, जीहा, फासे / णेरइयाणं भंते ! कइ दबिंदिया पण्णत्ता ? गोयमा! अट्ठ एए चेव, एवं असुरकुमाराणं जाव थणियकुमाराण वि / पुढविकाइयाणं भंते ! कइ दबिंदिया पण्णत्ता ! गोयमा ! एगे फार्सिदिए पण्णत्ते / एवं जाव वणस्सइकाइयाणं / बेइंदियाणं भंते ! कइ दबिंदिया पण्णता ? गोयमा ! दो दविंदिया पण्णत्ता / तंजहा–फासिदिए य जिभिदिए य / तेइंदियाणं पुच्छा / गोयमा! चत्तारि दविंदिया पण्णत्ता। तंजहादो घाणा, जीहा, फासे / च उरिंदियाणं पुच्छा / गोयमा ! छ दबिंदिया पण्णत्ता / तंजहा-दो णेत्ता, दो घाणा, जीहा, फासे / सेसाणं जहा णेरइयाणं जाव वेमाणियाणं // 452 / / एगमेगस्स णं भंते ! णेरइयस्स केवइया दविंदिया अतीता ? गोयमा ! अणंता / केवइया बद्धेल्लगा ? गोयमा! अट्ठ / केवइया पुरेक्खडा? गोयमा! अट्ठ वा सोलस वा सत्तरस वा संखेजा वा असंखेजा वा अणंता वा / एगमेगस्स णं भंते! असुरकुमारस्स केवइया दबिंदिया अतीता ? गोयमा! अणंता। केवइया बद्धेल्लगा! गो०! अह / केवइया पुरेक्खडा 1 गो०! अट्ठ वा णव वा सत्तरस वा संखेजा वा असंखेजा वा अणंता वा / एवं जाव थणियकुमाराणं ताव भाणियव्वं / एवं पुढविकाइया आउकाइया वणस्सइकाइया वि, णवरं केवइया बद्धलगत्ति पुच्छाए उत्तरं एक्के फासिंदियदग्विंदिए प०। एवं तेउकाइयवाउकाइयस्स वि, णवरं पुरेक्खडा णव वा दस वा / एवं बेइंदियाण वि, णवरं बघल्लगपुच्छाए दोण्णि / एवं तेइंदियस्स वि, णवरं बद्धेल्लगा चत्तारि / एवं चउरिंदियस्स वि, णवरं बद्धेल्गा छ / पंचिंदियतिरिक्खजोणिय मणूमबाणमंतर-जोइसिय सोहम्मीसाणगदेवस्स जहा असुरकुमारस्स, णवरं मणूसस्स पुरेक्खडा कस्सइ अस्थि कस्सइ णत्थि, जस्सऽस्थि अह वा णव वा संखेजा वा असंखेजा वा अणंता वा / सणकुमारमाहिंदबंभलंतगसुक्कसहस्सारआणयपाणयआरणअच्चुयगेवेजगदेवस्स य जहा णेरइयस्स। एगमेगस्स णं भंते ! विजयवेजयंतजयंतअपराजियदेवस्स केवइया दव्विंदिया अतीता ? गोयमा! अणता, केवइया बद्धेल्लगा ? गो०! अट्ठ, केवइया पुरेक्खडा 1 गो०! अट्ट वा सोलस वा चउवीसा वा संखेजा वा। सव्वट्ठसिद्धगदेवस्स अतीता अणंता, बद्धेल्लगा अट्ट, पुरेक्खडा अट्ठ। गैरइयाणं
