________________ - पण्णवणासुत्तं प०१५ उ. 2 473 उक्कोसिया उवओगद्धा विसेसाहिया, जहण्णउक्कोसियाए उवओगद्धाए-सव्वत्थोवा चक्खिदियस्स जहणिया उवओगद्धा, सोइंदियस्स जहणिया उवओगद्धा विसेसाहिया, घाणिदियस्स जहणिया उवओगद्धा विसेसाहिया, जिभिदियस्स जहणिया उवओगद्धा विसेसाहिया, फासिंदियस्स जहणिया उवओगद्धा विसेसाहिया, फासिंदियस्स जहणियाहिंतो उवओगद्धाहिंतो चक्विदियस्स उक्कोसिया उवओगद्धा विसेसाहिया, सोइंदियस्स उक्कोसिया उवओगद्धा विसेसाहिया, घाणिदियस्स उक्कोसिया उवओगद्धा विसेसाहिया, जिभिदियस्स उक्कोसिया उवओगद्धा विसेसाहिया, फासिंदियस्स उक्कोसिया उवओगद्धा विसेसाहिया // 448 // कइविहा णं भंते ! इंदियओगाहणा पण्णत्ता ? गोयमा! पंचविहा इंदियओगाहणा पण्णत्ता / तंजहा-सोइंदियओगाहणा जाव फासिंदियओगाहणा, एवं णेरइयाणं जाव वेमाणियाणं, णवरं जस्स जइ इंदिया अत्थि० 6 // 441 / / कइविहे गं भंते ! इंदियअवाए पण्णत्ते ? गोयमा! पंचविहे इंदियअवाए पण्णत्ते / तंजहा-सोइंदियअवाए जाव फासिंदियअवाए / एवं णेरइयाणं जाव वेमाणियाण, णवरं जस्स जइ इंदिया अत्थि० 7 / कइविहा णं भंते! ईहा पण्णत्ता गोयमा ! पंचविहा ईहा पण्णत्ता / तंजहा-सोइंदियईहा जाव फासिंदियईहा / एवं जाव वेमाणियाणं, णवरं जस्स जइ इंदिया० 8 / कविहे णं भंते ! उग्गहे पण्णत्ते ? गोयमा ! दुविहे उग्गहे पण्णत्ते / तंजहा-अत्थोग्गहे य वंजणोग्गहे य / वंजणोग्गहे णं भंते ! कइविहे पण्णत्ते ? गोयमा ! चउविहे पण्णत्ते / तंजहासोइंदियवंजणोग्गहे, घाणिंदियवंजणोग्गहे, जिभिदियवंजणोग्गहे, फासिंदियवंजणोगहे / अत्थोग्गहे णं भंते ! कइविहे पण्णत्ते ? गोयमा! छविहे पण्णत्ते / तंजहासोइंदियअत्थोग्गहे, चक्खिदियअत्थोग्गहे, घाणिंदियअन्थोग्गहे, जिभिदियअत्थोगहे, फासिंदियअत्थोग्गहे, णोइंदियअत्थोग्गहे ||450|| णेरइयाणं भंते ! कइविहे उग्गहे पण्णत्ते ? गोयमा ! दुविहे उग्गहे पण्णत्ते / तंजहा-अत्थोग्गहे य वंजणोग्गहे य / एवं असुरकुमाराणं जाव थणियकुमाराणं / पुढविकाइयाणं भंते ! कइविहे उग्गहे पण्णत्ते ? गोयमा ! दुविहे उग्गहे पण्णत्ते / तं०-अत्थोग्गहे य वंजणोग्गहे य। पुढविकाइयाणं भंते ! वंजणोम्गहे कइविहे पण्णत्ते ? गोयमा ! एगे फासिंदियवंजणोग्गहे पण्णत्ते / पुढविकाइयाणं भंते ! कइविहे अत्थोग्गहे पण्णत्ते ? गोयमा! एगे फासिंदियअत्थोग्गहे पण्णत्ते / एवं जाव वणस्सइकाइयाणं / एवं बेइंदियाण वि, णवरं बेइंदियाण वंजणोग्गहे दुविहे पण्णत्ते, अत्थोग्गहे दुविहे पण्णत्ते, एवं तेइंदियचउरिंदियाण वि, णवरं इंदियपरिवुड्डी कायव्वा / चउरिंदियाणं वंजणोग्गहे तिविहे
