________________ 464 अनंगपविट्ठसुत्ताणि महुररसपरिणाणे 7 / फासपरिणामे णं भंते ! कइविहे पण्णत्ते ? गोयमा ! अट्ठविहे पण्णत्ते / तंजहा-कक्खडफासपरिणामे य जाव लुक्खफासपरिणामे य 8 / अगरुयलहुयपरिणामे णं भंते ! कइविहे पण्णत्ते ! गोयमा ! एगागारे पण्णत्ते 9 / सद्दपरिणामे णं भंते ! कइविहे पण्णत्ते ? गोयमा ! दुविहे पण्णत्ते / तंजहा-सुन्भिसद्दपरिणामे य दुन्भिसद्दपरिणामे य 10 / सेत्तं अजीवपरिणामे // 418 // चोद्दसमं कसायपयं कह' णं भंते ! कसाया पण्णत्ता ? गोयमा! चत्तारि कसाया पण्णत्ता / तंजहाकोहकसाए, माणकसाए, मायाकसाए, लोभकसाए / णेरइयाणं भंते ! कइ कसाया पण्णत्ता 1 गोयमा! चत्तारि कसाया पण्णत्ता। तंजहा–कोहकसाए जाव लोभकसाए। एवं जाव वेमाणियाणं // 419|| कइपइट्ठिए णं भंते! कोहे पण्णत्ते 1 गोयमा! चउपहट्ठिए कोहे पण्णत्ते / तंजहा-आयपइट्टिए, परपइट्टिए, तदुभयपइट्टिए, अप्पइट्ठिए / एवं णेरइयाणं जाव वेमाणियाण दंडओ। एवं माणेणं दंडओ, मायाए दंडओ, लोभेणं दंडओ // 420 // कइहिं णं भंते! ठाणेहिं कोहप्पत्ती भवइ ? गोयमा! चउहिं ठाणेहिं कोहुप्पत्ती भवइ, तंजहा-खेत्तं पडुच्च, वत्थु पड्डच्च, सरीरं पडुच्च, उवहिं पडुच्च / एवं णेरइयाणं जाव वेमाणियाणं / एवं माणेण वि मायाए वि लोभेण वि, चउविहे कोहे पण्णत्ते। तंजहा-अणंताणुबंधी कोहे, अपच्चक्खाणे कोहे, पच्चक्खाणावरणे कोहे, संजलणे कोहे / एवं णेरइयाणं जाव वेमाणियाणं / एवं माणेणं मायाए लोभेणं, एए वि चत्तारि दंडगा // 422 // कइविहे णं भंते ! कोहे पणते ? गोयमा! चउन्विहे कोहे पण्णत्ते / तंजहा-आभोगणिव्वत्तिए, अणाभोगणिव्वत्तिए, उसंते, अणुवसंते / एवं गेरइयाणं जाव वेमाणियाणं / एवं माणेण वि, मायाए वि, लोभेण वि चत्तारि दंडगा // 423 // जीवा णं भंते ! कइहिं ठाणेहिं अह कम्मपगडीओ चिणिंसु ? गोयमा ! चउहिं ठाणेहिं अट्ठ कम्मपगडीओ चिणिंसु, तंजहा-कोहेणं, माणेणं, मायाए, लोभेणं / एवं णेरइयाणं जाव वेमाणियाणं। जीवाणं भने ! काहिं ठाणेहिं अट्ठ कम्मपगडीओ चिणंति ? गोयमा ! चउहि ठाणेहि, तंजहा-कोहेणं, माणेणं, मायाए, लोभेणं / एवं णेरइया जाव वेमाणिया / जीवा णं भंते ! कइहिं