________________ 462 अनंगपविट्ठसुत्ताणि परिणामे, सुयअण्णाणपरिणामे, विभंगणाणपरिणामे 7 / दसणपरिणामे णं भंते ! कइ. विहे पण्णत्ते ? गोयमा ! तिविहे पण्णत्ते / तंजहा–सम्मइंसणपरिणामे, मिच्छादसणपरिणामे, सम्मामिच्छादसणपरिणामे 8 / चरित्तपरिणामे णं भंते ! कइविहे पण्णत्ते ? गोयमा! पंचविहे पण्णत्ते / तंजहा-सामाइयचरित्तपरिणामे, छेदोवद्यावणियचरित्तपरिणामे, परिहारविसुद्धियचरित्तपरिणामे, सुहुमसंपरायंचरित्तपरिणामे, अबखायचरित्तपरिणामे 9 / वेयपरिणामे णं भंते ! कइविहे पण्णत्ते ? गोयमा ! तिविहे पण्णत्ते। तंजहा-इत्थिवेयपरिणामे, पुरिसवेयपरिणामे, पुंसगवेयपरिणामे 10 // 415 // णेरइया गइपरिणामेणं णिरयगइया, इंदियंपरिणामे गं पंचिंदिया, क.सायपरिणामेणं कोहकसाई वि जाव लोभकसाई वि, लेसापरिणामेणं कण्हलेसा वि णीललेसा वि काउलेसा वि, जोयपरिणामेणं मणजोगी वि वइजोगी वि कायजोगी वि. उवओगपरिणामेणं सागारोवउत्ता वि अणागारोवउत्ता वि, णाणपरिणामेणं आमिणिबोहियणाणी वि, सुयणाणी वि ओहिणाणी वि, अण्णाणपरिणामेणं मइअण्णाणी विसुयअण्णाणी वि विभंगणाणी वि, दंसणपरिणामेणं सम्मादिट्ठी वि मिच्छादिदी वि सम्मामिच्छादिट्टी वि, चरित्तपरिणामेणं णो चरिती, णो चरित्ताचरित्ती, अचरित्ती, वेयपरिणामेणं णो इत्थिवेयगा,णो पुरिसवेयगा, णपुंसगवेयगा। असुरकुमारा वि एवं चेव, णवरं देवगइया, कण्हलेसा वि जाव तेउलेसा वि, वेयपरिणामेण इस्थिवेयगा वि, पुरिसवेयगा वि, णो णपुंसगवेयगा, सेसं तं चेव / एवं जाव थणियकुमारा / पुढविकाइया गइपरिणामेणं तिरियगइया, इंदियपरिणामेणं एरिदिया, सेसं जहा णेरइ. याणं, णवरं लेसापरिणामेणं तेउलेसा वि, जोगपरिणामेणं कायजोगी, णाणपरिणामो णत्थि,अण्णाणपरिणामेणं मइअण्णाणी,सुयअण्णाणी,दंसणपरिणामेणं मिच्छादिट्ठी,सेसं तं चेव / एवं आउवणस्सइकाइया वि / तेउवाऊ एवं चेव, णवरं लेसापरिणामेणं जहा णेरइया / बेइंदिया गइपरिणामेणं तिरियगइया, इंदियपरिणामेणं बेइंदिया, सेसं जहा णेरइयाणं / णवरं जोगपरिणामेणं वइजोगी, कायजोगी, णाणपरिणामेणं आभिणिबोहियणाणी वि, सुयणाणी वि, अण्णाणपरिणामेणं मइअप्णाणी वि, सुयअण्णाणी वि, णो विभंगणाणी, दंसणपरिणामेणं सम्मदिट्ठी वि, मिच्छादिट्ठी वि, णो सम्मामिच्छादिट्ठी, सेसं तं चेव / एवं जाव चउरिदिया, णवरं इंदियपरिवटी कायव्वा / पंचिंदियतिरिक्खजोणिया गइपरिणामेणं तिरियगइया, सेसं जहा जेरइयाणं, णवरं लेसापरिणामेणं जाव सुक्कलेसा वि / चरित्तपरिणामेणं णो चरित्ती,
