________________ 452 अनंगपविट्ठसुत्ताणि अन्चोयडा चेव 12" // 391 // जीवा णं भंते ! किं भासगा, अभासगा ? गोयमा ! जीवा मासगा वि, अभासगा वि / से केणटेणं भंते ! एवं वुच्चइ-'जीवा भासगा वि, अभासगा वि' ? गोयमा ! जीवा दुविहा पण्णत्ता / तंजहा–संसारसमावण्णगा य असंसारसमावण्णगा य / तत्थ णं जे ते असंसारसमावण्णगा ते णं सिद्धा, सिद्धा णं अभासगा। तत्थ णं जे ते संसारसमावण्णगा ते दुविहा पण्णत्ता। तंजहा-सेलेसीपडिवण्णगा य असेलेसीपडिवण्णगा य / तत्थ णं जे ते सेलेसीपडिवण्णगा ते णं अभासगा। तत्थ णं जे ते असेलेसीपडिवण्णगा ते दुविहा पण्णत्ता। तंजहा-एगिंदिया य अणेगिंदिया य / तत्थ णं जे ते एगिंदिया ते णं अभासगा। तत्थ णं जे ते अणेगेंदिया ते दुविहा पण्णत्ता / तंजहा-पजत्तगा य अपजत्तगा य / तत्थ णं जे ते अपजत्तगा ते णं अभासगा, तत्थ णं जे ते पजत्तगाते णं भासगा, से एएणटेणं गोयमा ! एवं वुच्चइ-'जीवा भासगा वि अभासगा वि' // 392 ॥णेरइया णं भंते ! किं भासगा, अभासगा ? गोयमा ! णेरइया भासंगा वि, अभासगा वि / से केणटेणं भंते ! एवं बुच्चइ-णेरइया भासगा वि, अभासगा वि' 1 गोयमा! णेरइया दुविहा पण्णत्ता / तंजहा-पजत्तगा य अपजत्तगा य / तत्थ णं जे ते अपजत्तगा ते णं अभासगा, तत्थ गंजे ते पजत्तगा ते णं भासगा, से एएणद्वेणं गोयमा ! एवं वुच्चइ-'णेरइया भासगा वि, अभासगा वि' / एवं एगिदियवजाणं णिरंतरं भाणियव्वं // 393 / / कइ णं भंते ! भासजाया पण्णत्ता ? गोयमा! चत्तारि भासजाया पण्णत्ता / तंजहा-सच्चमेगं भासजायं, बिइयं मोसं, तइयं सच्चामोसं, चउत्थं असच्चामोसं / जीवा णं भंते ! किं सच्चं भासं भासंति, मोसं भासं भासंति, सच्चामोसं भासं भासंति, असच्चामोसं भासं भासंति ? गोयमा! जीवा सच्चं पि भासं भासंति, मोसं पि भासं भासंति, सच्चामोसं पि भासं भासंति, असच्चामोसं पि भासं भासंति / गेरइया णं भंते ! किं सच्च भासं भासंति जाव असच्चामोसं भासं भासंति ? गोयमा ! णेरइया णं सच्च पि भासं भासंति जाव असच्चामोर्स पि भासं भासंति / एवं असुरकुमारा जाव थणियकुमारा। बेइंदिय-तेइंदिय-चउरिदिया य णो सच्चं०, णो मोसं०, णो सच्चामोसं भासं भासंति, असच्चामोसं भासं भासंति / पंचिंदियतिरिक्खजोणिया णं भंते ! कि सच्चं भासं भासंति जाव असच्चामोसं भासं भासंति ? गोयमा ! पंचिंदियतिरिक्खजोणिया णो सच्च भासं भासंति, णो मोसं भासं भासंति, णो सच्चामोसं भासं भासंति, एगं असच्चामोसं
