________________ पण्णवणासुत्तं प० 6 423 णं भंते ! एगसमएणं केवइया उब्वटुंति ? गोयमा ! जहण्णेणं एक्को वा दो वा तिण्णि वा, उक्कोसेणं संखेजा वा असंखेजा वा उव्वदृति, एवं जहा उववाओ भणिओ तहा उव्वट्टणां वि सिद्धवजा भाणियव्वा जाव अणुत्तरोववाइया, णवरं जोइसियवेमाणियाणं चयणेणं अहिलावो कायव्यो / 4 दारं // 302 // णेरइया णं भंते ! कओहितो उववति किं णेरइएहिंतो उववजंति, तिरिक्खजोणिएहिंतो उववनंति, मणुस्सेहिंतो उववजंति, देवेहिंतो उववजंति ? गोयमा ! णो णेरइएहिंतो उववजंति, तिरि खजोणिएहितो उववजंति, मणुस्सेहिंतो उवचजंति, णो देवेहिंतो उववजंति / जह तिरिक्खजोणिएहिंतो उववजंति किं एगिदियतिरिक्खजोणिएहिंतो उववजंति,बेइंदियतिरिक्खजोणिएहितो उववजंति,तेइंदियतिरिक्खजोणिएहितो उववजेति, चउरिदियतिरिकावजोणिएहिंतो उक्वजति पंचिंदियतिरिक्खजोणिएहिंतो उववजंति ? गोयमा! णो एगिदिय०, णो बेइंदिय०, यो तेइंदिय०, णो चउरिदियतिरिक्खजोणिएहितो उववति, पंचिंदियतिरिक्खजोगिएहिंतो उववजंति / जइ पंचिंदियतिरिक्खजोणिएहिंतो उववजंति किं जलयरपंचिंदियतिरिक्खजोणिए हिंतो उववति, थलयरपंचिंदियतिरिक्खजोणिएहिंतो उववजंति, खहयरपंचिंदियतिरिक्खजोणिए हितो उपवति ? गोयमा! जलयरपंचिंदियतिरिक्खजोणिएहिंतो उववजंति, थलयरपंचिंदियतिरिक्खजोणिएहिंतो उववजंति, वहयरपंचिंदियतिरिक्खजोणिए हिंतो उववजंति // 303 / / जइ जलयरपंचिंदियतिरिक्खजोगिएहितो उववजंति किं समुच्छिमजलयरपंचिंदियतिरिक्खजोगिएहितो उववजंति, गम्भवकंतियजलयरपंचिंदियतिरिक्खजोगिएहितो उववति ? गोयमा! संमुच्छिमजलयरपंचिंदियतिरिक्खजोणिएहिंतो उवचजंति, गम्भवकंतियजलयरपंचिंदियतिरिक्खजोणिएहिंतो उववति / जइ संमुच्छिमजलयरपंचिंदियतिरिक्खजोणिएहिंतो उवचजति किं पजत्तयसमुच्छिमजलयरपंचिंदियतिरिक्खजोणिए हिंतो उववजंति, अपज्जत्तयसंमुच्छिमजलयरपंचिंदियतिरिवखजोणिएहिंतो उववजंति ? गोयमा ! पजत्तयसंमुच्छिमजलयरपंचिंदियतिरिक्खजोणिएहितो उववजंति, णो अपजत्तयसमुच्छिमजलयरपंचिंदियतिरिक्खजोणिएहितो उववजंति / जइ गम्भवतियजलयरपंचिंदियतिरिवखजोणिए हिंतो उववर्जति किं पजत्तयगब्भवकंतियजलयरपंचिंदियतिरिक्खजोणिएहिंतो उववति, अपजत्तयगब्भवतियजलयरपंचिंदियतिरिवखजोणिएहितो उववजंति ? गोयमा! पजत्तयगम्भवक्कंतियजलयरपंचिंदियतिरिक्खजोणिएहिंतो उववजंति,णो अपजत्तयगम्भवकंतियजलयरपंचिंदिय
