________________ पण्णवणासुत्तं प० 5 तूणाई, उक्कोसेणं तेत्तीसं सागरोवमाइं अंतोमुहुत्तूणाई // सव्वट्ठसिद्धगदेवाणं भंते! केवइयं कालं ठिई पण्णत्ता ? गोयमा ! अजहण्णमणुकोसं तेत्तीसं सागरोवमाई ठिई पण्णत्ता। सव्वट्ठसिद्धगदेवाणं अपजत्तयाणं पुच्छा। गोयमा ! जहण्णेण वि उक्कोसेण वि अंतोमुहत्तं / सव्वट्ठसिद्धगदेवाणं० पजत्तयाणं केवइयं कालं ठिई पण्णत्ता ? गोयमा! अजहण्णमणुकोसं तेत्तीसं सागरोवमाइं अंतोमुहुत्तूणाई ठिई पण्णत्ता // 245 // ॥पण्णवणाए भगवईए चउत्थं ठिइपयं समत्तं॥ - पंचमं विसेसपयं कइविहा णं भंते ! पजवा पण्णत्ता ? गोयमा ! दुविहा पजवा पण्णत्ता / तंजहाजीवपजवा य अजीवपजवा य // 246 // जीवपजवा णं भंते ! किं संखिजा असंखिजा, अणता ? गोयमा ! णो संखिजा, णो असंखिजा, अणंता / से केपट्टेणं भंते ! एवं वुच्चइ-'जीवपजवा णो संखिजा, णो असंखिजा, अणंता' ? गोयमा ! असंखिजा णेरइया, असंखिजा असुरकुमारा, असंखिजा णागकुमारा, असंखिजा सुवण्णकुमारा, असंखिज्जा विज्जुकुमारा, असंखिजा अगणिकुमारा, असंखिजा दीवकुमारा, असंखिजा उदहिकुमारा, असंखिजा दिसीकुमारा, असंखिजा वाउकुमारा, असंखिजा थणियकुमारा, असंखिजा पुढविकाइया, असंखिजा आउकाइया, असंखिजा तेउकाइया, असंखिजा वाउकाइया, अणंता वण फइकाइया, असंखिजा बेइंदिया, असंखिजा तेइंदिया, असंखिजा चउरिदिया, असंखिजा पंचिंदियतिरिक्खजोणिया, असंखिजा मणुस्सा, असंखिजा घाणमंतरा असंखिजा जोइसिया, असं. खिजा वेमाणिया, अणंता सिद्धा, से एएणटेणं गोयमा ! एवं वुच्चइ-ते णं णो संखिजा, णो असंखिजा, अणंता // 247 // णेरइयाणं भंते ! केवइया पजवा पण्णत्ता ? गोयमा ! अणंता पजवा पण्णत्ता / से केणटेणं भंते ! एवं वुच्चइ-'णेरइयाणं अणंता पजवा पण्णत्ता' 1 गोयमा ! णेरइए णेरइयस्स दव्वट्ठयाए तुल्ले, पएसट्टयाए तुले, ओगाहणट्ठयाए सिय हीणे सिय तुल्ले सिय अब्महिए / जइ हीणे असंखिजइभागहीणे वा संखिजइभागहीणे वा संखिजगुणहीणे वा असंखिजगुणहीणे वा। अह अन्महिए असंखिजइभागमभहिए वा संखिजइभागमभहिए वा संखिजगुणमब्भहिए वा असंखिजगुणमब्भहिए वा / ठिईए सिय हीणे सिय तुल्ले सिय अब्भहिए। जइ हीणे असंखिजइभागहीणे वा संखिजइभागहीणे वा संखिजगुणहीणे वा असं.