________________ पण्णवणासुत्तं प०४ 363 गोयमा ! जहण्णेण वि उक्कोसेण वि अंतोमुहुत्त / पजत्तयाणं पुच्छा। गोयमा ! जहण्णेणं अंतोमुहुत्त, उक्कोसेणं तिणि पलिओवमाइं अंतोमुहुत्तूणाई // 237 // वाणमंतराणं भंते ! देवाणं केवइयं कालं ठिई पण्णत्ता 1 गोयमा ! जहण्णणं दस वाससहस्साई, उक्कोसेणं पलिओवमं / अपजत्तयवाणमंतराणं देवाणं पुच्छा। गोयमा ! जहण्णेण वि उक्कोसेण वि अंतोमुहत्तं / पजत्तयाणं पुच्छा / गोयमा ! जहण्णेणं दस वाससहस्साइं अंतोमुहत्तणाई, उक्कोसेणं पलिओवमं अंतोमुहत्तणं / वाणमंतरीणं देवीण पुच्छा / गोयमा ! जहण्णेणं दस वाससहस्साई, उक्कोसेणं अद्धपलिओवमं / अपजत्तियाणं देवीणं पुच्छा / गोयमा ! जहण्णेण वि उक्कोसेण वि अंतोमुहुतं / पजत्तियाणं वाणमंतरीणं पुच्छा। गोयमा ! जहण्णेणं दस वाससहस्साइं अंतोमुहत्त. णाई, उक्कोसेणं अद्धपलिओवमं अंतोमुहत्तूणं // 238 // जोइसियाणं देवाणं पुच्छा। गोयमा ! जहण्णेणं पलिओवमट्ठभागो, उक्कोसेणं पलिओवमं वाससयसहस्सममहियं / अपजत्तयजोइसियाणं पुच्छा / गोयमा ! जहण्णेण वि उक्कोसेण वि अंतोमुहुत्तं / पजत्तयाणं पुच्छा / गोयमा / जहण्णेणं पलिओवमट्ठभागो अंतोमुहत्तणो, उक्कोसेणं पलिओवमं वाससयसहस्समब्भहियं अंतोमुहुत्तूणं / जोइसिणीणं देवीणं पुच्छा / गोयमा ! जहण्णेणं पलिओवमट्ठभागो, उक्कोसेणं अद्धपलिओवमं पण्णासवाससहस्समब्भहियं / अपजत्तियजोइसियदेवीणं पुच्छा / गोयमा ! जहण्णेण वि उक्कोसेण वि अंतोमुहुत्तं / पजत्तियजोइसियदेवीणं पुच्छा / गोयमा! जहण्णेणं पलिओवमट्ठ. भागो अंतोमुहत्तणो, उक्कोसेणं अद्धपलिओवमं पण्णासवाससहस्समब्भहियं अंतोमुहत्तणं / चंदविमाणे णं भंते ! देवाणं पुच्छा / गोयमा ! जहण्णणं च उभागपलि ओवमं, उक्कोसेणं पलिओवमं वाससयसहस्समन्भहियं / अपजत्तयाणं चंददेवाणं पुच्छा / गोयमा ! जहण्णेण वि उक्कोसेण वि अंतोमुहुत्तं / पजत्तयाणं पुच्छा / गोयमा ! जहण्णेणं चउभागपलिओवमं अंतोमुहत्तूणं, उक्कोसेणं पलिओवमं वाससयसहस्समन्भहियं अंतोमुहुत्तूणं / चंदविमाणे गं० देवीणं पुच्छा। गोयमा ! जहण्णेणं चउभागपलिओवमं, उक्कोसेणं अद्धपलिओवमं पण्णासवाससहस्समब्भहियं / अपजत्तियाणं पुच्छा / गोयमा ! जहण्णेण वि उक्कोसेण वि अंतोमुहुत्तं / पजत्तियांण पुच्छा / गोयमा ! जहण्णेणं च उभागपलिओवमं अंतोमुहुत्तूणं, उक्कोसेणं अद्धपलिओवमं पण्णासवाससहस्समब्भहियं अंतोमुहत्तूणं / सूरविमाणे णं भंते ! देवाणं केवइयं कालं ठिई पण्णत्ता 1 गोयमा ! जहण्णेणं च उभागपलिओवमं उक्कोसेणं
