Anangpavittha Suttani Padhamo Suyakhandho

SR No.: 004388
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 608
Language: Sanskrit
Classification: Book_Devnagari, agam_aupapatik, agam_rajprashniya, agam_jivajivabhigam, & agam_pragyapana
File Size: 11 MB

Page 401

392 अनंगपविट्ठसुत्ताणि तूणा // 234 // भुयपरिसप्पथलयरपंचिंदियतिरिक्खजोणियाणं पुच्छा / गोयमा ! जहण्णेणं अंतोमुहुत्तं, उक्कोसेणं पुव्वकोडी। अपजत्तयाणं पुच्छा / गोयमा ! जहण्णेण वि उक्कोसेण वि अंतोमुहुत्त / पजत्तयाणे पुच्छा। गोयमा ! जहण्णेणं अंतो. मुहुत्तं, उक्कोसेणं पुव्वकोडी अंतोमुहुत्तूणा / समुच्छिमभुयपरिसप्पथलयरपंचिंदियतिरिक्खजोणियाणं पुच्छा / गोयमा ! जहण्णेणं अंतोमुहुत्तं, उक्कोसेणं बायालीसं वाससहस्साई / अपजत्तयाणं पुच्छा / गोयमा! जहण्णेण वि उक्कोसेण वि अंतोमुहुत्तं / पजत्तयाणं पुच्छा / गोयमा ! जहण्णेणं अंतोमुहत्तं, उक्कोसेणं बायालीसं वाससहस्साइं अंतोमुहुत्तूणाई / गब्भवक्कंतियभुयपरिसप्पथलयरपंचिंदियतिरिक्खजोणियाणं पुच्छा / गोयमा ! जहण्णेणं अंतोमुहुत्तं, उक्कोसेणं पुव्वकोडी / अपजत्तयाणं पुच्छा। गोयमा ! जहण्गेण वि उक्कोसेण वि अंतोमुहुत्तं / पजत्तयाणं पुच्छा / गोयमा ! जहण्णेणं अंतोमुहुत्तं, उक्कोसेणं पुवकोडी अंतोमुहुत्तूणा // 235 / / खहयरपंचिदियतिरिक्खजोणियाणं पुच्छा / गोयमा ! जहण्णेणं अंतोमुहुत्तं, उक्कोसेणं पलिओवमस्स असंखेजइभागं / अपजत्तयाणं पुच्छा / गोयमा ! जहण्णेण वि उक्कोसेण वि अंतोमुहत्तं / पजत्तयाणं पुच्छा / गोयमा ! जहण्णण अंतोमुहत्तं, उक्कोसेणं पलिओवमस्स असंखेजइभागं अंतोमुहुत्तूणं / समुच्छिमखहयरपंचिंदियतिरिक्खजोणियाणं पुच्छा / गोयमा ! जहण्णेणं अंतोमुहुत्तं, उक्कोसेणं बावत्तरी वाससहस्साइं ।अपजत्तयाणं पुच्छा , गोयमा ! जहण्णेण वि उक्कोसेण वि अंतोमुहुत्तं / पजत्तयाणं पुच्छा। गोयमा ! जहण्णेणं अंतोमुहुत्तं, उक्कोसेणं बावत्तरी वाससहस्साई अंतोमुत्तूणाई। गब्भवक्फतियखहयरपंचिंदियतिरिक्खजोणियाणं पुच्छा / गोयमा! जहण्णेणं अंतोमुहत्तं, उक्कोसेणं पलिओवमस्स असंखेजइभागं / अपजत्तयाणं पुच्छा / गोयमा ! जहण्णेण वि उक्कोसेण वि अंतोमुहुत्तं / पजत्तयाणं पुच्छा। गोयमा ! जहण्णेणं अंतोमुहुत्तं, उक्कोसेणं पलिओवमस्स असंखेजइभागं अंतोमुहुत्तूणं // 236 / / मणुस्साणं भंते ! केवइयं कालं ठिई पण्णत्ता ? गोयमा! जहण्णेणं अंतोमुहुत्तं, उक्कोसेणं तिण्णि पलिओवमाई। अपजत्तमणुस्साणं पुच्छा / गोयमा ! जहण्णेण वि उक्कोसेण वि अंतोमुहुत्तं / पजत्तमणुस्साण पुच्छा / गोयमा ! जहण्णेणं अंतोमुहुत्तं उक्कोसेणं तिण्णि पलिओवमाइं अंतोमुहुत्तूणाई / समुच्छिममणुस्साणं पुच्छा / गोयमा ! जहण्णेण वि उक्कोसेण वि अंतोमुहुत्तं / गम्भवक्कंतियमणुस्साणं पुच्छा। गोयमा ! जहण्णणं अंतोमुहुत्तं, उक्कोसेणं तिण्णि पलिओवमाई। अपनत्तयाणं पुच्छा /