________________ 388 अनंगपविद्वसुत्ताणि कालं ठिई पण्णत्ता 1 गोयमा ! जहण्णेणं दस वाससहस्साई, उक्कोसेणं देसूर्ण पलि ओवमं / अपज्जत्तियाणं भंते ! णागकुमारीणं देवीणं केवइयं कालं ठिई पण्णत्ता ? गोयमा ! जहण्णेण वि अंतोमुहत्तं उक्कोसेण वि अंतोमुहत्तं / पज्जत्तियाणं भंते ! णागकुमारीणं देवीणं केवइयं कालं ठिई पण्णत्ता ? गोयमा ! जहण्णेणं दस वाससहस्साई अंतोमुहुत्तूणाई उक्कोसेणं देसूणं पलिओवमं अंतोमुहुत्तूणं // 223 // सुवण्णकुमाराणं भंते ! देवाणं केवइयं कालं ठिई पण्णत्ता 1 गोयमा ! जहण्णेणं दस वाससहस्साई उक्कोसेणं दो पलिओवमाई देसूणाई / अपज्जत्तयाणं पुच्छा / गोयमा ! जहण्णेण वि अंतोमुहुत्तं, उक्कोसेण वि अंतोमुहुत्तं / पज्जत्तयाणं पुच्छा / गोयमा! जहण्णेणं दस वाससहस्साई अंतोमुहत्तूणाई, उक्कोसेणं दो पलिओवमाई देसूणाई अंतोमुहुत्तूणाई / सुवण्णकुमारीणं देवीण पुच्छा / गोयमा ! जहण्णेणं दस वाससहस्साई, उक्कोसेणं देसूर्ण पलिओवमं / अपज्जत्तियाणं पुच्छा / गोयमा ! जहण्णेण वि अंतोमुहुत्तं उक्कोसेण वि अंतोमुहुत्तं / पज्जत्तियाणं पुच्छा / गोयमा ! जहण्णेणं दस वाससहस्साई अंतोमुहत्तूणाई, उक्कोसेणं देसूणं पलिओवमं अंतोमुहत्तूणं / एवं एएणं अभिलावेणं ओहियअपज्जत्तयपज्जत्तयसुत्तत्तयं देवाण य देवीण य णेयव्वं जाव थणियकुमाराणं जहा णागकुमाराणं // 224 // पुढविकाइयाणं भंते ! केवइयं कालं ठिई पण्णत्ता ? गोयमा ! जहण्णेणं अंतोमुहुत्तं, उक्कोसेणं बावीसं वाससहस्साई / अपज्जत्तयपुढविकाइयाणं भंते ! केवइयं कालं ठिई पण्णत्ता ? गोयमा! जहण्णेण वि उक्कोसेण वि अंतोमुहुत्तं / पज्जत्तयपुढविकाइयाणे पुच्छा / गोयमा ! जहण्णेणं अंतोमुहत्तं, उक्कोसेणं बावीसं वाससहस्साइं अंतोमुहुत्तणाई / सुहुमपुढविकाइयाणं पुच्छा। गोयमा ! जहण्णेण वि उक्कोसेण वि अंतोमुहुत्तं / अपज्जत्तयसुहुमपुढविकाइयाणं पुच्छा। गोयमा! जहण्णेण वि उक्कोसेण वि अंतोमुहुत्तं / पज्जत्तयसुहुमपुढविकाइयाणं पुच्छा / गोयमा ! जहण्णेण वि उक्कोसेण वि अंतोमुहुत्तं / बायरपुढविकाइयाणं पुच्छा / गोयमा ! जहणणेणं अंतोमुहुत्तं, उक्कोसेणं बावीसं वाससहस्साई / अपज्जत्तयबायरपुदविकाइयाणं पुच्छा / गोयमा ! जहण्णेण वि उक्कोसेण वि अंतोमुहत्तं / पज्जत्तयबायरपुढविकाइयाणं पुच्छा। गोयमा ! जहण्णेणं अंतोमुहुत्तं, उक्कोसेणं बावीसं वाससहस्साई अंतोमुहुत्तूणाई // 225 // आउकाइयाणं भंते ! केवइयं कालं ठिई पण्णत्ता ? गोयमा ! जहण्णेणं अंतोमुहुत्तं, उक्कोसेणं सत्त.वाससहस्साई / अपजतयआउकाइयाणं पुच्छा। गोयमा ! जहण्णेण वि अंतोमुहुत्तं उक्कोसेण वि अंतोमुहुत्तं /
