________________ पण्णवणासुतं प० 4 387 सहस्साई अंतोमुहुतूणाई, उक्कोसेणं पणपण्णं पलिओवमाइं अंतोमुहुत्तूणाई // 220 // भवणवासीणं देवाणं भंते ! केवइयं कालं ठिई पण्णत्ता ? गोयमा ! जहण्णेणं दस वाससहस्साई, उक्कोसेणं साइरेगं सागरोवमं / अपजत्तयभवणवासीण भंते ! देवाणं केवइयं कालं ठिई पण्णत्ता ? गोयमा ! जहण्णेण वि अंतोमुहुत्तं उक्कोसेण वि अंतोमुहुत्तं / पजत्तयभवणवासीणं देवाणं भंते ! केवइयं कालं टिई पण्णत्ता ? गोयमा ! जहण्णेणं दस वाससहस्साइं अंतोमुहत्तणाई, उक्कोसेणं साइरेगं सागरोवमं अंतोमुहतूणं / भवणवासिणीण भंते ! देवीणं केवइयं कालं ठिई पण्णत्ता ? गोयमा ! जह. ण्णेणं दस वाससहस्साइं, उक्कोसेणं अद्धपंचमाइं पलिओवमाई। अपजत्तियभवणवासिणीणं देवीणं भंते ! केवइयं कालं ठिई पण्णत्ता ? गोयमा ! जहण्णण वि अंतोमुहुत्तं उक्कोसेण वि अंतोमुहुत्तं / पजत्तियाणं भंते ! भवणवासिणीणं देवीणं केवइयं कालं ठिई पण्णत्ता ? गोयमा ! जहण्णेणं दस वाससहस्साइं अंतोमुहुत्तूणाई उक्कोसेणं अद्धपंचमाइं पलिओवमाई अंतोमुहत्तूणाई॥२२१|| असुरकुमाराणं भंते ! देवाणं केवइयं कालं ठिई पण्णत्ता ? गोवमा ! जहणणेणं दस वाससहस्साई, उक्कोसेणं साइरेगं सागरोवमं / अपज्जत्तयअसुरकुमाराणं भंते ! देवाणं केवइयं कालं ठिई पण्णत्ता ? गोयमा! जहण्णेण वि अंतोमुहुत्तं उक्कोसेण वि अंतोमुहुत्त / पज्जत्तयअसुरकुमाराणं भंते ! देवाणं केवइयं कालं ठिई पण्णत्ता गोयमा! जहण्णेणं दस वाससहस्साई अंतोमुहुत्तूणाई, उक्कोसेणं साइरेगं सागरोवमं अंतोमुत्तूणं / असुरकुमारीणं भंते ! देवीणं केवइयं कालं ठिई पण्णत्ता ? गोयमा! ज़हण्णेणं दस वाससहस्साई, उक्कोसेणं अद्भपंचमाइं पलिओवमाइं / अपज्जत्तियाणं असुरकुमारीणं भते ! देवीणं केवइयं कालं ठिई पण्णत्ता ? गोयमा ! जहणणेण वि अंतोमुहत्तं उकोसेण वि अंतोमहत्तं / पज्जत्तियाणं असुरकुमारीणं देवीणं भंते ! केवइयं कालं ठिई पण्णत्ता ? गोयमा ! जहण्णेणं दम वाससहस्साई अंतोमुहत्तूणाई उक्कोसेणं अद्धपंचमाइं पलिओवमाई अंतोमुहत्तूणाई // 222 // णागकुमाराणं देवाणं भंते ! केवइयं कालं ठिई पण्णत्ता ? गोयमा ! जहण्णेणं दस वाससहस्साइं, उक्कोसेणं दो पलिआवमाइं देसूणाई / अपजत्तयाणं भंते ! णागकुमाराणं० केवइयं कालं ठिई पण्णत्ता ? गोयमा! जहण्णेण वि अंतोमुहत्तं उक्कोसेण वि अंतोमुहुत्तं / पजत्तयाणं भंते ! णागकुमाराणं देवाणं केवइयं कालं ठिई पणत्ता 1 गोयमा! जहण्णेणं दस वाससहस्साई अंतोमुहुत्तूणाई, उक्कोसेणं दो पलिओवमाइं देसूणाई अंतोमुहुत्तूणाई / गागकुमारीणं भंते ! देवीणं केवइयं
