________________ पण्णवणासुत्तं प० 3 375 णोअपरित्ता अणतंगुणा, अपरित्ता अणंतगुणा // 16 दारं // 185 // एएसि णं भंते ! जीवाणं पज्जत्ताणं अपज्जत्ताणं णोपज्जत्ताणोअपज्जत्ताण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा! सव्वत्थोवा जीवा णोपज्जताणोअज्जत्तगा, अपज्जत्तगा अणंतगुणा, पज्जत्तगा संखेज्जगुणा // 17 दारं / / // 186 // एएसि णं भंते ! जीवाणं सुहुमाणं बायराणं णोसुहुमणोबायराण य कयरे कयरेहितो अप्पा वा बहुया वा तुला वा विसेसाहिया वा ? गोयमा ! सव्वत्थोवा जीवा णोसुहुमणोबायरा, बायरा अणंतगुणा, सुहुमा असंखेज्जगुणा // 18 दारं / / // 187 // एएसिणं भंते ! जीवाणं सण्णीणं असण्णीणं णोसण्णीणोअसण्णीण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सण्णी, णोसण्णीणोसण्णी अणंतगुणा, असण्णी अणंतगुणा // 19 दारं // / / 188 // एएसि णं भंते ! जीवाणं भवसिद्धियाणं अभवसिद्धियाणं णोभवसिद्धियाणोअभवसिद्धियाण य कयरे कयरेहिंतो अप्पा वा बहुया वा तुला वा विसेसाहिया वा ? गोयमा ! सव्वत्थोवा जीवा अभवसिद्धिया, णोभवसिद्धियाणोअभवसिद्धिया अणंतगुणा, भवसिद्धिया अणंतगुणा // 20 दारं // 189 // एएसि ण भंते! धम्मत्थिकाय-अधम्मत्थिकाय-आगासस्थिकाय-जीवत्थिकाय-पोग्गलत्थिकायअद्धासमयाणं दव्वट्ठयाए कयरे कयरेस्तिो अप्पा वा बहुया वा तुल्ला वा विसेसाहिया वा ? गोयमा! धम्मत्थिकाए अधम्मत्थिकाए आगासत्थिकाए एए णं तिण्णिवि तुल्ला दव्वट्ठयाए सव्वत्थोवा, जीवस्थिकाए दवट्ठयाए अणंतगुणे, पोग्गलत्थिकाए दव्वट्ठयाए अणंतगुणे, अद्धासमए दव्वट्ठयाए अणंतगुणे // 190 // एएसि णं भंते ! धम्मत्थिकाय-अधम्मत्थिकाय-आगासत्थिकाय-जीवस्थिकाय-पोग्गलत्थिकाय-अद्धासमयाणं पएसट्टयाए कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! धम्मत्थिकाए अधम्मत्थिकाए एए णं दोवि तुल्ला पएसट्टयाए सव्वत्थोवा, जीवस्थिकाए पएसट्टयाए अणतगुणे, पोग्गलत्थिकाए पएसट्ठयाए अणंतगुणे, अद्धासमए पएसट्टयाए अणंतगुणे, आगासस्थिकाए पएसट्टयाए अणंतगुणे // 1911 // एयस्स णं भंते ! धम्मत्थिकायस्स दव्वट्ठपएसट्टयाए कयरे कयरेहितो अप्पा वा बहुया वा तुल्ला वा विसेसाहिया वा 1 गोयमा! सव्वत्थोवे एगे धम्मत्थिकाए दवट्ठयाए, से चेव पएसट्टयाए असंखेज्जगुणे / एयस्स णं भंते ! अधम्मत्थिकायस्स दव्वट्ठपएस?याए कयरे कयरेहितो अप्पा वा बहुया वा तुल्ला वा विसेसाहिया वा ? गोयमा !
