________________ 374 अनंगपविट्ठसुत्ताणि णिबोहियणाणी सुयणाणी दोवि तुल्ला विसेसाहिया, केवलणाणी अणंतगुणा // 177 // एएसि णं भंते ! जीवाणं मइअण्णाणीणं सुयअण्णाणीण विभंगणाणीण य कयरे कयरेहिंतो अप्पा वा बहुया वा तुला वा विसेसाहिया वा ? गोयमा ! सव्वत्थोवा जीवा विभंगणाणी, मइअण्णाणी सुयअण्णाणी दोवि तुल्ला अणतगुणा // 178 / / एएसि णं भंते ! जीवाणं आभिणिबोहियणाणीणं सुयणाणीणं ओहिणाणीणं मणपज्जवणाणीणं केवलणाणीणं मइअण्णाणीणं सुयअण्णाणीणं विभंगणाणीण य कयरे कयरेहिंतो अप्पा वा बहया वा तुल्ला वा विसेसाहिया वा ? गोयमा ! सव्वत्थोवा जीवा ममपज्जवणाणी, ओहिणाणी असंखेज्जगुणा, आभिणिबोहियणाणी सुयणाणी दोवि तुल्ला विसेसाहिया, विभंगणाणी असंखेज्जगुणा, केवलणाणी अणंतगुणा; मइअण्णाणी सुयअण्णाणी य दोवि तुल्ला अणंतगुणा // 10 दारं // 179 // एएसि णं भंते ! जीवाणं चक्खुदंसणीणं अचक्खुदंसणीणं ओहिंदसणीणं केवलदसणीण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा ओहिंदंसणी, चक्खुदंसणी असंखेजगुणा, केवलदसणी अणंतगुणा, अचक्खुदंसणी अणंतगुणा / / 11 दारं // 180 / / एएसि णं भंते ! जीवाणं संजयाणं असंजयाणं संजयासंजयाणं णोसंजयणोअसंजयणोसंजयासंजयाण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा संजया, संजयासंजया असंखेजगुणा, णोसंजयणोअसंजयणोसंजयासंजया अणंतगुणा, असंजया अणंतगुणा // 12 दारं // 181 // एएसि णं भंते ! जीवाणं सागारोवउत्ताणं अणागारोवउत्ताण य कयरे कयरेहितो अप्पा वा बहुया बा तुल्ला वा विसेसाहिया वा ? गोयमा! सव्वत्थोवा जीवा अणागारोवउत्ता, सागारोवउत्ता संखेज्जगुणा // 13 दारं // 182 // एएसि णं भंते ! जीवाणं आहारगाणं अणाहारगाण य कयरे कयरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा अणाहारगा, आहारगा असंखेजगुणा // 14 दारं // 183 // एएसि णं भंते ! जीवाणं भासगाणं अभासगाण य कयरे कयरेहिंतो अप्पा वा बहुया वा तुला वा विसेसाहिया वा ? गोयमा !. सव्वत्थोवा जीवा भासगा, अभासगा अणंतगुणा / / 15 दारं // 184 / / एएसि णं भंते ! जीवाणं परित्ताणं अपरित्ताणं णोपरित्तणोअपरित्ताण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा परित्ता, णोपरित्त
