________________ 358 अनंगपविट्ठसुत्ताणि विहरइ / णवरं तिण्हं विमाणावाससयाणं, दसण्हं सामाणियसाहस्सीणं, चत्तालीसाए आयरक्खदेवसाहसीणं आहेवच्चं कुव्वमाणे जाव विहरइ / बत्तीस अट्ठवीसा बारस अट्ठ चउरो(य) सयसहस्सा / पण्णा चत्तालीसा छच्च सहस्सा सहस्सारे॥१॥ आणयपाणयकप्पे चत्तारि सयाऽऽरणच्चुए तिण्णि / सत्त विमाणसयाई चउसु वि एएसु कप्पेसु ॥२॥सामाणियसंगहणीगाहा-चउरासीइ असीई बावत्तरि सत्तरी य सट्ठी य / पण्णा चत्तालीसा तीसा वीसा दस सहस्सा॥१॥एए चेव आयरक्खा चउग्गुणा / 131 // कहि णं भंते ! हिट्ठिमगेविजगाणं पजत्तापजत्ताणं ठाणा पण्णत्ता ? कहि णं भंते ! हिट्ठिमगेविजगा देवा परिवसंति ? गोयमा ! आरणच्चुयाणं कप्पाणं उप्पिं जाव उड्ढे दूरं उप्पइत्ता एत्थ णं हिडिमगेविजगाणं देवाणं तओ गेविजगविमाणपत्थडा पण्णत्ता। पाईणपडीणायया, उदीणदाहिणवित्थिण्णा, पडिपुण्णचंदसंठाणसंठिया, अच्चिमालीभासरासिवण्णाभा, सेसं जहा बंभलोगे जाव पडिरूवा / तत्थ णं हेट्ठिमगेविजगाणं देवाणं एक्कारसुत्तरे विमाणावाससए भवंतीति मक्खायं / ते णं विमाणा सव्वरयणामया जाव पडिरूवा / एत्थ णं हेट्ठिमगेविजगाणं देवाणं पजत्तापजत्ताणं ठाणा पण्णत्ता / तिसु वि लोगस्स असंखेज्जइभागे / तत्थ णं बहवे हेट्ठिमगेविज्जगा देवा परिवसंति / सम्वे समिड्ढिया, सव्वे समज्जुइया, सव्वे समजसा, सव्वे समबला, सव्वे समाणुभावा, महासुक्खा, अजिंदा, अपेस्सा, अपुरोहिया, अहमिंदा णामं ते देवगणा पण्णत्ता समणाउसो ! // 132 // कहि णं भंते ! मज्झिमगाणं गेविजगाणं देवाणं पज्जत्तापज्जत्ताणं ठाणा पण्णत्ता ? कहि णं भंते ! मज्झिमगेविज्जगा देवा परिवसंति ? गोयमा ! हेट्ठिमगेविज्जगाणं उप्पिं सपक्खि सपडिदिसिं जाव उप्पइत्ता एत्थ णं मज्झिमगेविजगदेवाणं तओ गेविज्जगविमाणपत्थडा पण्णत्ता / पाईणपडीणायया जहा हेट्ठिमगेविज्जगाणं / णवरं सत्तुत्तरे विमाणावाससए भवंतीति मक्खायं / ते णं विमाणा जाव पडिरूवा। एत्थ णं मज्झिमगेविज्जगाणं जाव तिसु वि लोगस्स असंखेज्जइभागे / तत्थ णं बहवे मज्झिमगेविज्जगा देवा परिवसंति जाव अहमिंदा णामं ते देवगणा पण्णत्ता समणाउसो ! // 133 // कहि णं भंते ! उवरिमगेविज्जगाणं देवाणं पज्जत्तापज्जत्ताणं ठाणा पण्णत्ता ? कहि णं भंते ! उवरिमगेविज्जगा देवा परिवसंति ? गोयमा ! मज्झिमगेविज्जगाणं उप्पिं जाव उप्पइत्ता एत्थ णं उवरिमगेविजगाणं तओ गेविजगविमाणपत्थडा पण्णत्ता। पाईणपडीणायया, सेस जहा हेट्ठिमगेविजगाणं / णवरं एगे विमाणावाससए भवंतीति मक्खायं, सेसं
