________________ पण्णवणासुत्तं प० 2 355 देवीण य आहेवच्चं जाव विहरइ // 123 // कहि णं भंते ! सणंकुमारदेवाणं पजत्तापजत्ताणं ठाणा पण्णत्ता ? कहि णं भंते ! सणंकुमारा देवा परिवसंति ? गोयमा ! सोहम्मस्स कप्पस्स उप्पिं सपक्खि सपडिदिसि बहूई जोयणाई बहूई जोयणसयाई बहूई जोयणसहस्साई बहूई जोयणसयसहस्साइं बहुगाओ जोयणकोडीओ बहुगाओ जोयणकोडाकोडीओ उड्हें दूरं उप्पइत्ता एत्थ ण सणंकुमारे णामं कप्पे पण्णत्ते / पाईणपडीणायए, उदीणदाहिणवित्थिण्णे जहा सोहम्मे जाव पडिरूवे / तत्थ णं सणंकुमाराणं देवाणं बारस विमाणावाससयसहस्सा भवतीति मक्खायं / ते णं विमाणा सव्वरयणामया जाव पडिरूवा / तेसि णं विमाणाणं बहुमज्झदेसभागे पंच वडिंसगा पण्णत्ता / तंजहा–असोगवडिंसए, सत्तवण्णवडिंसए, चपगवडिंसए, चूयवडिसए, मज्झे एत्थ सणंकुमारवडिंसए / ते णं वडिंसया सव्वरयणामया अच्छा जाव पडिरूवा / एत्थ णं सणंकुमारदेवाणं पजत्तापज्जत्ताणं ठाणा पण्णत्ता। तिसु वि लोगस्स असंखेजइभागे।तत्थ णं बहवे सणंकुमारदेवा परिवसंति, महिड्डिया जाव पभासेमाणा विहरंति / णवरं अग्गमहिसीओ णत्थि / सणंकुमारे इत्थ देविदे देवराया परिवसइ / अरयंबरवत्थधरे, सेसं जहा सक्कस्स / से णं तत्थ बारसण्हं विमाणावाससयसहस्साणं, बावत्तरीए सामाणियसाहस्सीणं सेसं जहा सक्कस्स अग्गमहिसीवजं / णवरं च उण्हं बावत्तरीणं आयरक्खदेवसाहस्सीणं जाव विहरइ / / 124 // कहि णं भंते ! माहिंददेवाणं पजत्तापजत्ताणं ठाणा पण्णत्ता ? कहि णं भंते ! माहिंदगदेवा परिवसंति ?, गोयमा! ईसाणस्स कप्पस्स उप्पिं सपक्खि सपडिदिसिं बहूई जोयणाइं जाव बहुयाओ जोयणकोडाकोडीओ उड्डं दूरं उप्पइत्ता एत्थ णं माहिंदे णामं कप्पे पण्णत्ते पाईणपडीणायए जाव एवं जहेव सणंकुमारे / णवरं अट्ठ विमाणावाससयसहस्सा | वडिंसया जहा ईसाणे / णवर मज्झे इत्थ माहिंदवडिंसए, एवं जहा सणकुमाराणं देवाणं जाव विहरंति / माहिदे इत्थ देविदे देवराया परिवसइ, अरयंबरवत्थधरे, एवं जहा सणंकुमारे जाव विहरइ / णवरं अट्ठण्हं विमाणावाससयसहस्साणं, सत्तरीए सामाणियसाहस्सीणं, चउण्हं सत्तरीणं आयरक्खदेवसाहस्सीणं जाव विहरइ // 125 // कहि णं भंते ! बंभलोगदेवाणं पजत्तापजत्ताणं ठाणा पण्णत्ता ? कहि णं भंते ! बंभलोगदेवा परिवसंति ?, गोयमा ! सणंकुमारमाहिदाणं कप्पाणं उप्पिं सपक्खि सपडिदिसिं बहूई जोयणाई जाव उप्पइत्ता एत्थ णं बंभलोए णामं कप्पे पण्णत्ते, पाईणपडीणायए, उदीणदाहिणवित्थिण्णे, पडिपुण्णचंदसंठाणसंठिए, अच्चिमालीभासरासिप्पभे, अवसेसं जहा सणंकुमाराणं / णवरं चत्तारि
