________________ .. जीवाजीवाभिगमे स०प०२ 261 समयं उक्को अंतोमुहुत्तं // सवेयगस्स णं भंते ! केवइकालं अंतरं होइ ? गोयमा ! अणाइयस्स अपजवसियस णत्थि अंतरं, अणाइयस्स सपजवसियस्स पत्थि अंतरं, साइयस्स सपजवसियम्स जहण्णेणं एकं समयं उक्को० अंतोमुहुत्तं // अवेयगस्स णं भंते ! केवइयं कालं अंतर होइ ? गोयमा ! साइयस्स अपजवसियस्स णत्थि अंतरं, साइयस्स सपजवसियस्स जह० अंतोमु० उक्कोसेणं अणंतं कालं जाव अवड्दं पोग्गलपरियट देसूणं / अप्पाबहुयं, सव्वत्थोवा अवेयगा सवेयगा अणंतगुणा / एवं सकसाई चेव अकसाई चेव 2 जहा सवेयगे तहेव भाणियव्वे॥ अहवा दुविहा सधजीवा प०, तं०-सलेसा य अलेसा य जहा असिद्धा सिद्धा, सव्वत्थोवा अलेसा सलेसा अणतगुणा // 245 / / अहवा० णाणी चेव अण्णाणी चेव // णाणी णं भंते ! णाणित्ति कालओ०१ गोयमा ! णाणी दुविहे पण्णत्ते, तं०-साइए वा अपजवसिए साइए वा सपजवसिए, तत्थ णं जे से साइए. सपजवसिए से जहण्णेणं अंतोमुहुत्तं उक्कोसेणं छावट्ठिसागरोवमाइं साइरेगाइं अण्णाणी जहा सवेयगा॥ णाणिस्स अंतरं जहण्णेणं अंतोमुहुत्तं उक्कोसेणं अणंत कालं अवड्ढं पोग्गलपरियटें देसूणं / अण्णाणिस्स दोण्हवि आइल्लाणं णन्थि अंतरं, साइयस्स सपजवसियस्स जहण्णेणं अंतोमु० उक्कोसेणं छावट्टि सागरोवमाइं साइरेगाइं / अप्पाबहुयं-सव्वत्थोवा णाणी अण्णाणी अणंतगुणा / / अहवा दुविहा सव्वजीवा पण्णत्ता, तं०-सागरोवउत्ता य अणागारोवउत्ता य, संचिटणा अंतरं च जहण्णेणं उक्कोसेणवि अंतोमुहत्तं, अप्पाबहु० सागरो० संखे० // 246 // अहवा दुविहा सव्वजीवा पण्णत्ता, तंजहा-आहारगा चेव अणाहारगा चेव // आहारए णं भंते ! जाव केवच्चिरं होइ ? गोयमा! आहारए दुविहे पण्णत्ते, तंजहाछउमत्थआहारए य केवलिआहारए य, छउमत्थआहारए णं जाव केवच्चिरं होइ ? गोयमा ! जहणणं खुड्डागं भवग्गहणं दुसमऊणं उक्को० असंखेनं कालं जाव कालओ, खेत्तओ अंगुलस्स असंखेजइभागं / केवलिआहारए णं जाव केवच्चिरं होइ ? गोयमा! जह० अंतोमु० उक्को० देसूणा पुव्वकोडी // अणाहारए णं भंते ! कइविहे०! गोयमा! अणाहारए दुविहे पण्णत्ते, तंजहा-छउमत्थअणाहारए य केवलिअणाहारए य, छउमत्थअणाहारए णं जाव केवञ्चिरं होइ ? गोयमा! जहण्णेणं एक समयं उकोसेणं दो समया / केवलिअणाहारए दुविहे पण्णत्ते, तंजहा-सिद्धकेवलिअणाहारए य भवत्थकेवलिअणाहारए य // सिद्ध केवलिअणाहारए णं भंते ! कालओ केवच्चिरं होइ ? गो०! साइए अपजवसिए // भवत्थकेवलिअणाहारए णं भंते ! कइविहे पण्णत्ते ? गो०! भवत्थकेवलि दुविहे पण्णत्ते, तं०-सजोगिभवत्थकेवलिअणाहारए य