________________ 260 अनंगपविट्ठसुत्ताणि पण्णत्ता, सेत्तं संसारसमावण्णगजीवाभिगमे // ॥णवमा दसविहा पडिवत्ती समत्ता / णवमा सव्वजीवदसविहपडिवत्ती से किं तं सव्वजीवाभिगमे ? सव्वजीवेसु णं इमाओ णव पडिवत्तीओ एवमाहिजति एगे एवमाहंसु-दुविहा सव्वजीवा पण्णत्ता जाव दसविहा सव्वजीवा पण्णत्ता / तत्थ णं जे ते एवमाहंसु-दुविहा सव्वजीवा पण्णत्ता ते एवमाहंसु, तंजहा-सिद्धा चेव असिद्धा चेव इति // सिद्धेणं भंते ! सिद्धेत्ति कालओ केवच्चिरं होइ ? गोयमा ! साइए अपजवसिए // असिद्धे णं भंते ! असिद्धेत्ति० 1 गोयमा ! असिद्धे दुविहे पण्णत्ते, तंजहा-अणाइए वा अपजवसिए अणाइए वा सपज्जवसिए // सिद्धस्स णं भंते ! केवइकालं अंतरं होइ ? गोयमा ! साइयस्स अपजवसियस्स णत्थि अंतरं। असिद्धस्स णं भंते ! केवइयं अंतरं होइ ? गोयमा ! अणाइयस्स अपजवसियस्स णत्थि अंतरं, अणाइयस्स सपज्जवसियस्स णत्थि अंतरं // एएसि णं भंते ! सिद्धाणं असिद्धाण य कयरे 2."? गोयमा ! सव्वत्थोवा सिद्धा असिद्धा अणंतगुणा // 244 // अहवा दुविहा सव्वजीवा पण्णत्ता, तंजहा-सइंदिया चेव अणिदिया चेव / सइंदिए णं भंते !0 कालओ केवच्चिरं होइ ? गोयमा ! सइंदिए दुविहे पण्णत्ते, तं०-अणाइए वा अपजवसिए अणाइए वा सपज्जवसिए, अणिदिए साइए वा अपजवसिए, दोहवि अंतरं णस्थि / सव्वत्थोवा अणिदिया सइंदिया अणंतगुणा / अहवा दुविहा सव्वजीवा पण्णत्ता, तंजहा-सकाइया चेव अकाइया चेव एवं चेव, एवं सजोगी चेव अजोगी चेव तहेव, [एवं सलेस्सा चेव अलेस्सा चेव, ससरीरा चेव असरीरा चेव संचिट्ठणं अंतरं अप्पाबहुयं जहा सइंदियाणं // अहवा दुविहा सव्वजीवा पण्णत्ता, तंजहा-सवेयगा चेव अवेयगा चेव // सवेयए णं भंते ! सवे० 1 गोयमा ! सवेयए तिविहे पण्णत्ते, तंजहा-अणाइए वा अपजवसिए, अणाइए वा सपजवसिए, साइए सपजवसिए, तत्थ णं जे से साइए सपजवसिए से जह० अंतो० उक्को० अणंतं कालं जाव खेत्तओ अवड्ढं पोग्गलपरियटें देसूर्ण // अवेयए णं भंते ! अवेयएत्ति कालओ केवच्चिरं होइ ? गोयमा ! अवेयए दुविहे पण्णत्ते, तंजहा-साइए वा अपजवसिए साइए वा सपजवसिए, तत्थ णं जे से साइए सपजवसिए से जहण्णेणं एक्कं
