________________ जीवाजीवाभिगमे प०५ 285 सुहुमणिओया णं भंते ! कइविहा पण्णत्ता ? गोयमा ! दुविहा पण्णत्ता, तंजहापज्जत्तगा य अपज्जत्तगा य / / बायरणिओयावि दुविहा पण्णत्ता, तंजहा-पज्जत्तमा य अपज्जत्तगा य / / णिओयजीवा णं भंते ! कइविहा पण्णत्ता ? गोयमा ! दुविहा पण्णत्ता, तंजहा–सुहुमणिओयजीवा य बायरणिओयजीवा य / सुहुमणिओयजीवा दुविहा प०, तं०-पज्जत्तगा य अपज्जत्तगा य / बायरणिओयजीवा दुविहा पण्णत्ता, त०-पज्जत्तगा य अपज्जत्तगा य // 238 // णिओया णं भंते ! दवट्ठयाए कि संखेज्जा असंखेज्जा अणंता ? गोयमा! णो संखज्जा असंखेज्जा णो अणंता, एवं पज्जत्तगावि अपज्जत्तगावि | सुहमणिओया णं भंते! दव्वट्टयाए कि संखेज्जा असंखेज्जा अणंता ? गो० ! णो संखेज्जा असंखेज्जा णो अणंता, एवं पज्जत्तगावि अपज्जत्तगावि, एवं बायरावि पज्जत्तगावि अपज्जत्तगावि णो संखेज्जा असंखेज्जा णो अणंता // णिओयजीवा ण भंते ! दवट्ठयाए कि संखेजा असंखेज्जा अणंता ? गोयमा ! णो संखेज्जा णो असंखेज्जा अणंता, एवं पज्जत्तावि अपज्जत्तावि एवं सुहमणिओयजीवावि पज्जत्तगावि अपजत्तगावि,बायरणिओयजीवावि पजत्तगावि अपज्जत्तगावि // णिओया गं भंते ! पएसट्टयाए कि संखेज्जा० पुच्छा, गोयमा! णो संखेज्जा णो असंखेज्जा अणंता, एवं पज्जत्तगावि अपज्जत्तगावि / एवं सुहुमणिओयावि पज्जत्तगावि अपज्जत्तगावि, पएसट्टयाए सव्वे अणंता, एवं बायरणिओयावि पज्जत्तयावि अप्पज्जत्तयावि, पएसट्टयाए सव्वे अणंता, एवं णिओयजीवा णवविहावि पएसट्टयाए सव्वे अणंता / एएसि णं भंते ! णिओयाणं सुहुमाणं बायराणं पज्जत्तगाणं अपज्जत्तगाणं दव्वट्ठयाए पएसट्टयाए दव्वट्ठपएसट्टयाए कयरे 2 हिंतो अप्पा वा बहुया वा० 1 गोयमा ! सव्वत्थोवा बायरणिओयपज्जत्तगा दव्वट्टयाए बायरणिओया अपज्जत्तगा दव्वट्ठयाए असंखेज्जगुणा सुहमणिओया अपजत्तगा दव्वट्ठयाए असंखेज्जगुणा सुहुमणिओया पज्जत्तगा दव्वट्ठयाए संखेज्जगुणा,एवं पएसड्याएवि // दवट्ठपएसट्ठयाए सव्वत्थोवा बायरणिओया य पज्जत्ता दव्वट्ठयाए जाव सुहुमणि ओया पजत्ता य दव्वट्ठयाए संखेजगुणा, सुहुमणिओएहितो पज्जत्तएहितो दव्वट्ठयाए बायरणिओया पज्जत्ता पएसट्ठयाए अणंतगुणा, बायरणिओया अपज्जत्ता पएसट्टयाए असंखे० जाव सुहुमणिओया पज्जत्ता पएसट्टयाए संखेज्जगुणा / एवं णिओयजीवावि, णवरि संकमए जाव सुहुमणिओयजीवेहितो पजत्तएहिंतो दव्वट्ठयाए बायरणिओयजीवा पज्ज० पएसट्टयाए असंखेज्जगुणा, सेसं तहेव जाव सुहुमणिओयजीवा पज्जत्ता पए
