________________ 284 अनंगपविट्ठसुत्ताणि याणं जाव सुहुमणिओयाणं बायराणं बायरपुढविकाइयाणं जाव बायरतसकाइयाण य कयरे 2 हितो०१ गोयमा ! सव्वत्थोवा बायरतसकाइया बायरतेउकाइया असंखेजगुणा पत्तेयसरीरबायरवण० असंखे० तहेव जाव बायरवाउकाइया असंखेज्जगुणा सुहुमतेउक्काइया असंखे० सुहुमपुढवि० विसेसाहिया सुहुमआउ० वि० सुहुमवाउ० विसेसा० सुहुमणिओया असंखेजगुणा बायरवणस्सइकाइया अणंतगुणा बायरा विसेसाहिया सुहुमवणस्सइकाइया असंखे० सुहुमा विसेसा०, एवं अपजत्तगावि पजत्तगावि, णवरि सव्वत्थोवा बायरतेउक्काइया पजत्ता बायरतसकाइया पजत्ता असंखेज्जगुणा पत्तेयसरीर० सेसं तहेव जाव सुहुमपज्जत्ता विसेसाहिया। एएसि णं भंते ! सुहुमाणं बायराण य पजत्ताणं अपजत्ताण य कयरे 2...1 गोयमा ! सव्वत्थोवा बायरा पजत्ता बायरा अपज्जत्ता असंखेजगुणा सुहुमा अपजत्ता असंखेजगुणा सुहुमपज्जत्ता संखेज्जगुणा, एवं सुहुमपुढविबायरपुढवि जाव सुहुमणिओया बायरणिओया णवरं पत्तेयसरीरबायरवण० सव्वत्थोवा पजत्ता अपजत्ता असंखेजगुणा, एवं बायरतसकाइयावि // सव्वेसिं भंते ! पजत्तअपजत्तगाणं कयरे 2 हितो अप्पा वा बहुया वा तुल्ला वा विसेसाहिया वा 1 गोयमा ! सव्वत्थोवा बायरतेउक्काइया पज्जत्ता बायरतस. काइया पजत्तगा असंखेज्जगुणा ते चेव अपजत्तगा असंखेजगुणा पत्तेयसरीखायरवणस्सइअपजत्तगा असंखे० बायरणिओया पज्जत्ता असंखे० बायरपुढवि० पज्जत्ता असं० आउवाउपज्जत्ता असंखे० बायरतेउकाइयअपज्जत्ता असंखे०पत्तेय० अपजत्ता असंख० बायरणिओयअपज्जत्ता असं० बायरपुढवि० आउवाउकाइ० अपज्जत्तगा असंखेज्जगुणा सुहुमतेउकाइया अपज्जत्तगा असं० सुहुमपुढविआउवाउअपज्जत्ता विसेसा० सुहुमतेउकाइयपज्जत्तगा संखेज्जगुणा सुहुमपुढविआउवाउपज्जत्तगा विसे. साहिया सुहुमणिओया अपज्जत्तगा असंखेज्जगुणा सुहुमणिओया पज्जत्तगा संखेज्जगुणा बायरवणस्सईकाइया पज्जत्तगा अणंतगुणा बायरा पज्जत्तगा विसेसाहिया बायरवणस्सइ० अपज्जत्ता असंखे० बायरा अपज्जत्ता विसे० बायरा विसेसाहिया सुहुमवणस्सइकाइया अपज्जत्तगा असंखेज्जगुणा सुहमा अपज्जत्ता विसेसाहिया सुहमवणस्सइकाइया पज्जत्ता संखेज्जगुणा सुहुमा पज्जत्तगा विसेसाहिया सुहुमा विसेसाहिया // 237 // कइविहा णं भंते ! णिओया पण्णत्ता ? गोयमा ! दुविहा णिओया पण्णत्ता, तंजहा-णिओया य णिओयजीवा य // णिओया .णं भंते ! कइविहा पण्णत्ता ? गोयमा ! दुविहा प० तंजहा-सुहुमणिओया य बायरणिओया य //
