________________ . जीवाजीवाभिगमे 103 277 असंखेजइभागं उक्कोसेणं ओही जाव रयणप्पभा पुढवी उड्ढं जाव साइं विमाणाई तिरियं जाव असंखेजा दीवसमुद्दा एवं-सक्कीसाणा पढमं दोच्चं च सणंकुमारमाहिंदा / तच्चं च बंभलंतग सुक्कसहस्सारग चउत्थी // 1 // आणयपाणयकप्पे देवा पासंति पंचमि पुढविं / तं चेव आरणच्चुय ओहीणाणेण पासंति // 2 // छट्टि हेट्ठिममज्झिमगेवेजा सत्तमि च उवरिला / संभिण्णलोगणालि पासंति अणुत्तरा देवा // 3 // 216 // सोहम्मीसाणेसु णं भंते !0 देवाणं कइ समुग्घाया पण्णत्ता ? गोयमा ! पंच समुग्घाया पण्णत्ता, तंजहा-वेयणासमुग्घाए कसाय० मारणंतिय० वेउव्विय० तेयासमुग्घाए०, एवं जाव अच्चुए / गेवेजअणुत्तराणं आइल्ला तिण्णि समुग्घाया पण्णत्ता // सोहम्मीसाणदेवा० केरिसयं खुहप्पिवासं पच्चणुब्भवमाणा विहरंति ? गोयमा ! णस्थि खुहापिवासं पञ्चणुब्भवमाणा विहरंति जाव अणुत्तरोववाइया॥ सोहम्मीसाणेसु णं भंते ! कप्पेसु देवा एगत्तं पभू विउवित्तए पुहुत्तं पभू विउवित्तए ? हंता पभू , एगत्तं विउव्वेमाणा एगिदियरूवं वा जाव पंचिंदियरूवं वा पुहत्तं विउव्वेमाणा एगिदियरूवाणि वा जाव पंचिंदियरूवाणि वा, ताइं संखेजाइंपि असंखेजाइंपि सरिसाइंपि असरिसाइंपि संबद्धाइंपि असंबद्धाइंपि रूवाइं विउव्वंति विउव्वित्ता अप्पणा जहिच्छियाई कजाई करेंति जाव अच्चुओ, गेवेजणुत्तरोववाइया० देवा किं एगत्तं पभू विउवित्तए पुहुत्तं पभू विउवित्तए 1 गोयमा ! एगत्तंपि पुहुत्तंपि, णो चेव णं संपत्तीए विउव्विसु वा विउव्वंति वा विउव्विस्संति वा // सोहम्मीसाणदेवा० केरिसयं सायासोक्खं पचणुब्भवमाणा विहरंति १.गोयमा ! मणुण्णा सद्दा जाव मणुण्णा फासा जाव गेविजा, अणुत्तरोववाइया अणुत्तरा सद्दा जाव फासा // सोहम्मीसाणेसु० देवाणं केरिसगा इड्ढी पण्णत्ता ? गोयमा ! महिड्ढिया महज्जुइया जाव महाणुभागा इड्ढीए प० जाव अच्चुओ, गेवेजणुत्तरा य सव्वे महिड्ढिया जाव सव्वे महाणुभागा अजिंदा जाव अहमिंदा णामं ते देवगणा पणत्ता समणाउसो ! // 217 // सोहम्मीसाणा० देवा केरिसया विभूसाए पण्णत्ता ? गोयमा ! दुविहा पण्णत्ता, तंजहा-वेउब्वियसरीरा य अवेउब्वियसरीरा य, तत्थ णं जे ते वेउव्वियसरीरा ते हारविराइयवच्छा जाव दस दिसाओ उज्जोवेमाणा पभासेमाणा जाव पडिरूवा, तत्थ ण जे ते अवेउध्वियसरीरा ते णं आभरणवसणरहिया पगइत्था विभूसाए पण्णत्ता // सोहम्मीसाणेसु णं भंते ! कप्पेसु देवीओ केरिसियाओ विभूसाए पण्णत्ताओ ? गोयमा ! दुविहाओ पण्णत्ताओ, तंजहा-वेउध्वियसरीराओ य अवेउव्विय