________________ .. जीवाजीवाभिगमे प०३ 267 रिलं चारं चरइ साई णक्खत्ते सव्योवरिलं चार चरइ भरणी णक्खत्ते सव्वहेहिलं चार चरइ // 196 // चंदविमाणे णं भंते ! किंसंठिए पण्णत्ते ? गोयमा ! अद्धकविट्ठगमंठाणमंठिए सव्वफालियामए अब्भुग्गयमूसियपहसिए वण्णओ, एवं सूरविमाणेवि णखत्तविमाणेवि ताराविमाणेवि अद्धकविट्ठसंठाणसं ठिए // चंद विमाणे णं भंते ! केवइयं आयामविक्खंभेणं ? केवइयं परिक्खेवेणं ? केवइयं बाहल्लेणं पण्णत्ते ?, गोयमा! छापण्णे एगसट्ठिभागे जोयणस्स आयामविक्खंभेणं तं तिगुणं सविसेसं परिक्खेवेणं अट्ठावीसं एगसट्ठिभागे जोयणस्स बाहल्लेणं पण्णत्ते / / सूरविमाणस्सवि सच्चेव पुच्छा, गोयमा ! अंडयालीसं एगसट्ठिभागे जोयणस्स आयामविक्खंभेणं तं तिगुणं सविसेसं परिक्खेवेणं चउवीसं एगसट्ठिभागे जोयणस्स बाहल्लेणं पण्णत्ते // एवं गहविमाणेवि अद्धजोयणं आयामविखंभेणं सविसेसं परि० कोसं बाहल्लेणं प० / णवखत्तविमाणे णं कोसं आयामविक्खंभेणं तं तिगुणं सविसेसं परि० अद्धकोसं बाहल्लेणं प०,ताराविमाणे णं अद्धकोसं आयामविक्खंभेणं तं तिगुणं सविसेसं परि० पंचधणुसयाई बाहल्लेणं पण्णत्ते // 197 / / चंदविमाणे णं भंते ! कइ देवसाहस्सीओ परिवहंति ? गोयमा ! चंदविमाणस्स णं पुरच्छिमेणं सेयाणं सुभगाणं सुप्पभाणं संखतलविमलणिम्मलद हिघणगोखीरफेणरययणियरप्पगासाणं (महुगुलियपिंगलक्खाणं) थिरलट्ट [पउह] वह पीवरसुसिलिट्ठवि सिट्ठतिक्खदाढाविडंबियमुहाणं रत्तुप्पलपत्तम उयसुकुमालतालुजीहाणं [पसत्थसत्थवेरुलियभिसंतककडणहाणं] विसालपीवरोरुपडिपुण्णविउलखंधाणं मिउविसयपसत्थसुहमलक्खणविच्छिण्णकेसरसडोवसोभियाणं चंकमियललियपुलियधवलगब्वियगईणं उस्सियसुणिम्मियसुजायअप्फोडियणंगूलाणं वइरामयणक्खाणं वइरामयदंताणं वइरामयदाढाणं तवणिजजीहाणं तवणिजतालुयाणं तवणिजजोत्तगसुजोइयाणं कामगमाणं पीइगमाणं मणोगमाणं मणोरमाणं मणोहराणं अमियगईणं अमिय. बलबीरियपुरिसक्कारपरक्कमाणं महया अप्फोडियसीहणाइयबोलकलयलरवेणं महुरेणं मणहरेण य पूरिता अंबरं दिसाओ य सोभयंता चत्तारि देवसाहस्सीओ सीहरूव. धारीणं देवाणं पुरच्छिमिल्लं बाहं परिवहति / चंदविमाणस्स णं दक्खिणेणं सेयाणं सुभगाणं सुप्पभाणं संखतलविमलणिम्मलदहियणगोखीरफेणरययणियरप्पगासाणं वइरामयकुंभजुयलसुट्ठियपीवरवरवइरसोंडवट्टियदित्तसुरत्तपउमप्पगासाणं अब्भुण्णयगुणा(मुहा)णं तवणिजविसालचंचलचलंतचवलकण्णविमलुजलाणं मधुवण्णभिसंतगिद्धपिंगलपत्तलतिवण्णमणिरयणलोयणाणं अब्भुग्गयमउलमलियाणं धवलसरिससंठि
