________________ जीवाजीवाभिगमे प०३ 245 ओराला बलाहगा संसेयंति संमुच्छंति वा वासं वासंति वा ? हंता अस्थि / जहा गंभंते ! लवणसमुद्दे बहवे ओराला बलाहगा संसेयंति संमुच्छंति वासं वासंति वा तहा णं बाहिरएसुवि समुद्देसु बहवे ओराला बलाहगा संसेयंति संमुच्छंति वासं वासंति ? णो इणढे समढे, से केण?णं भंते ! एवं वुच्चइ-बाहिरगाणं समुद्दा पुण्णा पुण्णप्पमाणा वोलट्टमाणा वोसट्टमाणा समभरघडताए चिटुंति ? गोयमा ! बाहिरएसु णं समुद्देसु बहवे उदगजोणिया जीवा य पोग्गला य उदगत्ताए वक्कमति विउक्कमंति चयंति उवचयंति, से तेणटेणं एवं बुच्चइ-बाहिरगा समुद्दा पुण्णा पुण्ण. जाव समभरघडत्ताए चिट्ठति // 169 / / लवणे णं भंते ! समुद्दे केवइयं उव्वेहपरिवुड्ढीए पण्णत्ते ? गोयमा ! लवणस्स णं समुद्दस्स उभओ पासिं पंचाणउइ 2 पएसे गंता पएसं उव्वेहपरिवुड्ढीए पण्णत्ते, पंचाणउइ 2 वालग्गाइं गंता वालग्गं उब्वेहपरिवुड्ढीए पण्णत्ते, एवं पं० 2 लिक्खाओ गंता लिक्ख उव्वेहपरि० जूया. जवमज्झे०अंगुल० विहत्थि० रयणी० कुच्छी० धणु० उव्वेहपरिवुड्ढीए प०,गाउय० जोयण जोयणसय०जोयणसहस्साई गंता जोयणसहस्सं उव्वेहपरिवुड्ढीए पण्णत्ते // लवणे णं भंते ! समुद्दे केवइयं उस्सेहपरिवुड्ढीए पण्णत्ते ? गोयमा ! लवणस्सणं समुद्दस्स उभओ पासिं पंचाणउइं पएसे गंता सोलसपएसे उस्सेहपरिवुड्ढीए पण्णत्ते, एएणेव कमेणं जाव पंचाणउइं 2 जोयणसहस्साई मंता सोलस जोयणसहस्साइं उस्सेहपरिवुड्ढीए पण्णत्ते / 170 / लवणस्स णं भंते ! समुद्दस्स केमहालए गोतित्थे पण्णत्ते ? गोयमा ! लवणस्स णं समुहस्स उभओ पासिं पंचाणउई 2 जोयणसहस्साइं गोतित्थं पण्णत्तं // लवणस्स णं भंते ! समुद्दस्स केमहालए गोतित्थविरहिए खेत्ते पण्णत्ते ? गोयमा ! लवणस्स णं समुद्दस्स दस जोयणसहस्साई गोतित्थविरहिए खेत्ते पण्णत्ते // लवणस्स णं भंते ! समुदस्स केमहालए उदगमाले पण्णत्ते ? गोयमा! दस जोयणसहस्साई उदगमाले.पण्णत्ते // 171 // लवणे णं भंते ! समुद्दे किंसंठिए पण्णत्ते ? गोयमा ! गोतित्थसंठिए णावासंठाणसंठिए सिप्पिसंपुडसंठिए आसखंधसंठिए वलभिसंठिए वट्टे वलयागारसंठाणसंठिए पण्णत्ते // लवणे णं भंते ! समुद्दे केवइयं चक्कवालविखंभेणं ? केवइयं परिक्खेवेणं ? केवइयं उव्वेहेणं ? केवइयं उस्सेहेणं ? केवइयं सव्वग्गेणं पण्णत्ते ?, गोयमा ! लवणे णं. समुद्दे दो जोयणसयसहस्साई चक्कवालविक्खंभेणं पण्णरस जोयणसयसहस्साई एक्कासीइं च सहस्साई सयं च इगुयालं किंचिविसेसूणे परिक्खेवेणं एगं जोयणसहस्सं उव्वेहेणं सोलस जोयणसहस्साई उस्सेहेणं सत्तरस जोयणसहस्साई
