________________ जीवाजीवाभिगमे प०३ 235 णियया णिच्चमंडिया // 1 // सुभद्दा य विसाला य, सुजाया सुमणीतिया। सुदंसणाए जंबूए, णामधेजा दुवालस // 2 // से केणटेणं भंते ! एवं बुच्चइ-जंबूसुदंसणा 21 गोयमा ! जंबूए णं सुदंसणाए जंबूदीवाहिवई अणाढिए णामं देवे महिड्ढिए जाव पलिओवमट्टिइए परिवसइ, से णं तत्थ चउण्हं सामाणियसाहस्सीणं जाव जंबूदीवस्स जंबूए सुदंसणाए अणाढियाए य रायहाणीए जाव विहरति / कहि णं भंते ! अणाढियस्स जाव समत्ता वत्तव्वया रायहाणीए महिड्दिए / अदुत्तरं च णं गोयमा ! जंबुद्दीवे 2 तत्थ तत्थ देसे 2 तहिं 2 बहवे जंबूरुक्खा जंबूवणा जंबूवणसंडा णिच्चं कुसुमिया जाव सिरीए अईव 2 उवसोभेमाणा 2 चिट्ठति, से तेणटेणं गोयमा! एवं बुच्चइ-जंबुद्दीवे 2, अदुत्तरं च णं गोयमा ! जंबुद्दीवस्स सासए णामधेजे पण्णत्ते, जण्ण कयावि णासि जाव णिच्चे // 152 // जंबुद्दीवे णं भंते ! दीवे कइ चंदा पभासिंसु वा पभासेंति वा पभासिस्संति वा ? कइ सूरिया तविंसु वा तवंति वा तविस्संति वा ? कइ णक्खत्ता जोयं जोइंसु वा जोयंति वा जोएस्संति वा ? कइ महग्गहा चार चरिंसु वा चरिंति वा चरिस्संति वा ? केवइयाओ तारागणकोडाकोडीओ सोहिंसु वा सोहंति वा सोहेस्संति वा ? गोयमा ! जंबुद्दीवे णं दीवे दो चंदा पभासिंसु वा 3 दो सूरिया तविंसु वा 3 छप्पण्णं णक्खत्ता जोगं जोएंसु वा 3 छावत्तरं गहसयं चारं चरिंसु वा ३-एगं च सयसहस्सं तेत्तीसं खलु भवे सहस्साई / णव य सया पण्णासा तारागणकोडाकोडीणं // 1 // सोभिंसु वा सोभंति वा सोभिस्संति वा // 153 // जंबुद्दीवं णामं दीवं लवणे णामं समुद्दे वट्टे वलयागारसंटाणसंठिए सव्वओ समंता संपरिक्खित्ताणं चिटइ // लवणे णं भंते ! संमुद्दे किं समचक्कवालसंठिए विसमचक्कवालसंठिए ? गोयमा ! समचकवालसंठिए णो विसमचक्कवालसंठिए // लवणे णं भंते ! समुद्दे केवइयं चक्कवालविक्खंभेणं केवइयं परिक्खेवेणं पण्णत्ते ? गोयमा ! लवणे णं समुद्दे दो जोयणसयसहस्साई चक्कवालविक्खंभेणं पण्णरस जोयणसयसहस्साई एगासीइसहस्साई सयमेगूणचत्तालीसे किंचिविसेसूर्ण परिक्खेवेणं पण्णत्ते / से णं एक्काए पउमवरवेइयाए एगेण य वणसंडेणं सव्वओ समंता संपरिक्खित्ते चिट्ठइ, दोण्हवि वण्णओ। सा णं पउमवर० अद्धजोयणं उड्ढं० पंचधणुसयविवखंभेणं लवणसमुद्दसमियपरिक्खेवेणं, सेसं तहेव / से णं वणसंडे देसूणाई दो जोयणाई जाव विहरइ / / लवणस्स णं भंते ! समुदस्स कइ दारा पण्णत्ता ? गोयमा ! चत्तारि दारा पण्णत्ता, तंजहा-विजए वेजयंते जयंते अपराजिए // कहि णं भंते ! लवण
