________________ 218 अनंगपविट्ठसुत्ताणि / य जाव सव्वोसहि सिद्धत्थए य सरसगोसीसचंदणं दिव्वं च सुमणदामं गेहंति गेण्हित्ता जेणेव पंडगवणे तेणामेव समुवागच्छंति तेणेव समुवाग़च्छित्ता . सव्वतुवरे जाव सव्वोसहि सिद्धत्थए य सरसं च गोसीसचंदणं दिव्वं च सुमणोदामं दद्दरयमलयसुगंधिए य गंधे गेण्हंति 2 त्ता एगओ मिलंति 2 त्ता जंबुद्दीवस्स पुरथिमिल्लेणं दारेणं णिग्गच्छंति पुरथिमिल्लेणं दारेणं णिग्गच्छित्ता ताए उक्किट्ठाए जाव दिव्वाए देवगईए तिरियमसंखेजाणं दीवसमुद्दाणं मज्झंमज्झेणं वीइवयमाणा 2 जेणेव विजया रायहाणी तेणेव उवागच्छंति 2 त्ता विजयं रायहाणिं अणुप्पयाहिणं करेमाणा 2 जेणेव अभिसेयसभा जेणेव विजए देवे तेणेव उवागच्छंति 2 त्ता करयलपरिग्गहियं सिरसावत्तं मत्थए अंजलिं कटु जएणं विजएणं वद्धावेति विजयस्स देवस्स तं महत्थं महग्यं महरिहं विउलं अभिसेयं उवट्ठवेति // तए णं तं विजयदेवं चत्तारि सामाणियसाहस्सीओ चत्तारि अग्गमहिसीओ सपरिवाराओ तिण्णि परिसाओ सत्त अणिया सत्त अणियाहिवई सोलस आयरक्खदेवसाहस्सीओ अण्णे य बहवे विजयरायहाणि. वत्थव्वगा वाणमंतरा देवा य देवीओ य तेहिं साभाविएहिं उत्तरवेउव्विएहि य वरकमलपइट्ठाणेहिं सुरभिवरवारिपडिपुण्णेहिं चंदणकयचच्चाएहिं आविद्धकंठेगुणेहिं पउमुप्पलपिहाणेहिं करयलसुकुमालकोमलपरिग्गहिएहिं अट्ठसहस्साणं सोवणियाणं कलसाणं रुप्पमयाणं जाव अट्ठसहस्साणं भोमेजाणं कलसाणं सव्वोदएहिं सव्वमट्टियाहिं सव्वतुवरेहिं सव्वपुप्फेहिं जाव सव्वोसहि सिद्धत्थएहिं सव्विड्डीए सव्वजुईए सव्वबलेणं सव्वसमुदएणं सव्वायरेणं सव्वविभूईए सव्वविभूसाए सव्वसंभमेणं सव्वोरोहेणं सव्वणाडएहिं सव्वपुप्फगंधमल्लालंकारविभूसाए सव्वदिव्वतुडियणिणाएणं महया इड्ढीए महया जुईए महया बलेणं महया समुदएणं महया तुरियजमगसमगपड्डप्पवाइयरवेणं संखपण्णवपडहभेरिझल्लरिखरमुहिमुरवमुयंगदुंदुहिहुडुक्क.णिन्धोससंणिणाइयरवेणं महया महया इंदाभिसेएणं अभिसिंचति // तए णं तस्स विजयस्स देवस्स महया महया इंदाभिसेयंसि वट्टमाणंसि अप्पेगइया देवा णच्चोदगंणाइमट्टियं पविरलपप्फुसियं दिव्यं सुरभि रयरेणुविणासणं गंधोदगवासं वासंति, अप्पेगइया देवा णियरयं णट्ठरयं भट्ठरयं पसंतरयं उवसंतरयं करेंति, अप्पेगइया देवा विजयं रायहाणि सभितरबाहिरियं आसियसम्मजिओवलितं सित्तसुइसम्मट्टरत्थंतरावणवीहियं करेंति, अप्पेगइया देवा विजयं रायहाणिं मंचाइमंचकलियं करेंति, अप्पेगइया देवा विजयं रायहाणिं णाणाविहरागरंजियऊसियजयविजयवेजयंतीपडागाइ
