________________ 162 अनंगपविद्वसुत्ताणि सुवण्णरुप्पमया फलगा वइरामया संधी लोहियक्खमईओ सूईओ णाणामणिमया कलेवरा कलेवरसंघाडा णाणामणिमया रूवा णाणामणिमया रूवसंघाडा अंकामया पक्खा पक्खबाहाओ जोइरसामया वंसा वंसकवेल्लुया य रययामईओ पट्टियाओ जायरूवमईओ ओहाडणीओ वइरामईओ उवरि पुञ्छणीओ सव्वसेए रययामए छायणे // सा णं पउमवरवेइया एगमेगेणं हेमजालेणं एगमेगेणं गवक्खजालेणं एगमेगेणं खिखिणिजालेणं जाव मणिजालेणं (कणयजालेणं रयणजालेणं) एगमेगेणं पउमवरजालेणं सव्वरयणामएणं सवओ समंता संपरिक्खित्ता // ते णं जाला तवणिजलंबूसगा सुवण्णपयरगमंडिया णाणामणिरयणविविहहारद्वहारउवसोभियसमुदया ईसिं अण्णमण्णमसंपत्ता पुवावरदाहिणउत्तरागएहिं वाएहिं मंदागं 2 एजमाणा 2 कंपिजमाणा 2 लंबमाणा 2 पझंझमाणा 2 सद्दायमाणा 2 तेणं ओरालेणं मणुण्णेणं कण्णमणणिव्वुइकरेणं सद्देणं सव्वओ समंता आपूरेमाणा सिरीए अईव 2 उवसोभेमाणा उव० चिट्ठति // तीसे णं पउमवरवेइयाए तत्थ तत्थ देसे 2 तहिं तहिं बहवे हयसंघाडा गयसंघाडा णरसंघाडा किण्णरसंघाडा किंपुरिससंघाडा महोरगसंघाडा गंधव्वसंघाडा वसहसंघाडा सव्वरयणामया अच्छा सण्हा लण्हा घट्ठा मट्ठा णीरया णिम्मला णिप्पंका णिकंकडच्छाया सप्पभा समरीया संउजोया पासाईया दरिसणिजा अभिरूवा पडिरूवा / तीसे णं पउमवरवेइयाए तत्थ तत्थ देसे 2 तहिं तहिं बहवे हयपंतीओ तहेव जाव पडिरूवाओ / एवं हयवीहीओ जाव पडिरूवाओ / एवं हयमिहुणाई जाव पडिरूवाई // तीसे णं पउमवरवेइयाए तत्थ तत्थ देसे 2 तहिं तहिं बहवे पउमलयाओ णागलयाओ, एवं असोग० चंपग० चूयवण वासंति० अइ. मुत्तग० कुंद० सामलयाओ णिच्चं कुसुमियाओ जाव सुविहत्तपिंडमंजरिवडिंसगधरीओ सव्वरयणामईओ अच्छाओ सण्हाओ लण्हाओ घट्ठाओ मट्ठाओ णीरयाओ णिम्मलाओ णिप्पंकाओ णिकंकडच्छायाओ सप्पभाओ समरीयाओ सउज्जोयाओ पासाईयाओ दरिसणिजाओ अभिरुवाओ पडिरूवाओ॥ (तीसे णं पउमवरवेइयाए तत्थ तत्थ देसे 2 तहिं तहिं बहवे अक्खयसोत्थिया पण्णत्ता सव्वरयणामया अच्छा)। से केणटेणं भंते ! एवं वुच्चइ-पउमवरवेइया पउमवरवेइया ? गोयमा ! पउमवरवेइयाए तत्थ तत्थ देसे 2 तहिं तहिं वेइयासु वेइयाबाहासु वेइयासीसफलएसु वेइयापुडंतरेसु खंभेसु खंभबाहासु खंभसीसेसु खंभपुडंतरेसु सूईसु सूईमुहेसु सूईफलएसु सूईपुडंतरेसु पक्खेसु पक्खबाहासु पक्खपेरंतेसु बहूई उप्पलाई पउमाई जाव सयसहस्स
