________________ जीवाजीवाभिगमे प० 3 166 सव्वे णपुंसगा // 96 // एएसि णं भंते ! जीवाणं कइ लेसाओ पण्णत्ताओ? गोयमा ! छल्लेसाओ पण्णत्ताओ, तंजहा-कण्हलेसा जाव सुक्कलेसा // ते णं भंते ! जीवा किं सम्मदिट्ठी मिच्छादिट्ठी सम्मामिच्छादिट्ठी? गोयमा ! सम्मदिट्ठीवि मिच्छादिट्ठीवि सम्मामिच्छादिट्ठीवि // ते णं भंते ! जीवा किं णाणी अण्णाणी ? गोयमा ! णागीवि अण्णाणीवि तिण्णि णाणाइं तिण्णि अण्णाणाई भयणाए // तेणं भंते !जीवा किं मणजोगी वइजोगी कायजोगी ? गोयमा ! तिविहावि // ते णं भंते ! जीवा किं सागारोवउत्ता अणागारोवउत्ता ? गोयमा ! सागारोवउत्तावि अणागारोवउत्तावि // ते ण भंते ! जीवा कओ उववजति किं णेरइएहिंतो उव० तिरिक्खजोणिएहितो उव० ? पुच्छा, गोयमा ! असंखेजवासाउयअकम्मभूमगअंतरदीवगवजेहिंतो उववति // तेसि णं भंते ! जीवाणं केवइयं कालं ठिई पण्णत्ता ? गोयमा ! जहण्णणं अंतोमुहत्तं उक्कोसेणं पलिओवमस्स असंखेजइभागं / तेसि णं भंते ! जीवाणं कइ समुग्घाया पण्णत्ता ? गोयमा ! पंच समुग्धाया पण्णत्ता, तंजहा-वेयणासमुग्धाए जाव तेयासमुग्घाए // ते णं भंते ! जीवा मारणंतियसमुग्घाएणं किं समोहया मरंति असमोहया मरंति ? गोयमा ! समोहयावि म० असमोहयावि मरंति // ते णं भंते ! जीवा अणंतरं उव्वट्टित्ता कहिं गच्छंति ? कहिं उववजंति ?-किं णेरइएसु उववजंति ? तिरिक्ख० पुच्छा, गोयमा ! एवं उव्वट्टणा भाणियव्वा जहा वकंतीए तहेव // तेसि णं भंते ! जीवाणं कइ जाईकुलकोडिजोणीपमुहसयसहस्सा पण्णत्ता ? गोयमा ! बारस जाईकुलकोडीजोणीपमुहसयसहस्सा प०॥ भुयपरिसप्पथलयरपंचेंदियतिरिक्खजोणियाणं भंते ! कइविहे जोणीसंगहे पण्णत्ते ? गोयमा ! तिविहे जोणीसंगहे पण्णत्ते, तंजहा-अंडया पोयया संमुच्छिमा, एवं जहा खहयराणं तहेव, णाणत्तं जहण्णेणं अंतोमुहुत्तं उक्कोसेणं पुव्वकोडी, उव्वट्टित्ता दोच्चं पुढविं गच्छंति, णव जाईकुलकोडीजोणीपमुहसयसहस्सा भवंतीति मक्खायं, सेसं तहेव // उरपरिसप्पथलयरपंचेंदियतिरिक्खजोणियाणं भंते ! पुच्छा, जहेव भुयपुरिसप्पाणं तहेव, णवरं ठिई जहण्णेणं अंतोमुहुत्तं उक्कोसेणं पुव्वकोडी, उव्वटित्ता जाव पंचमिं पुढ विं गच्छंति, दस जाईकुलकोडी० // चउप्पयथलयरपंचेदियतिरिक्ख० पुच्छा, गोयमा ! दुविहे पण्णत्ते, तंजहा-जराउया (पोयया) य संमुच्छिमा य, से किं तं जराउया (पोयया)१२ तिविहा पण्णत्ता, तंजहा-इत्थी पुरिसा णपुंसगा, तत्थ णं जे ते संमुच्छिमा ते सव्वे णपुंसया। तेसि णं भंते ! जीवाणं कइ लेस्साओ पण्णत्ताओ ? सेसं जहा
