________________ 166 . अनंगपविट्ठसुत्ताणि जाव अमणामं, एवं जाव अहेसत्तमाए, एवं जाव वणप्फइफासं अहेसत्तमाए पुढवीए / इमा णं भंते ! रयणप्पभापुढवी दोच्च पुढविं पणिहाय सव्वमहंतिया बाहल्लेणं सव्वक्खुड्डिया सव्वंतेसु ? हंता गोयमा ! इमा णं रयणप्पभापुढवी दोच्च पुढविं पणिहाय जाव सव्वक्खुड्डिया सव्वंतेसु, दोच्चा णं भंते ! पुढवी तच्च पुढविं पणिहाय सव्वमहंतिया बाहल्लेणं पुच्छा, हंता गोयमा! दोच्चा णं पुढवी जाव सव्वक्खुड्डिया सव्वंतेसु, एवं एएण अभिलावेणं जाव छट्ठिया पुढवी अहेसत्तमं पुढविं पणिहाय सव्वक्खुडिडया सव्वंतेसु // 92 // इमीसे णं भंते ! रयणप्प० पु. तीसाए णरयावाससयसहस्सेसु इक्कमिकंसि णिरयावासंसि सव्वे पाणा सव्वे भूया सधे जीवा सव्वे सत्ता पुढवीकाइयत्ताए जाव वणस्सइकाइयत्ताए णेरइयत्ताए उववण्णपुव्वा ? हंता गोयमा ! असई अदुवा अणंतखुत्तो, एवं जाव अहेसत्तमाए पुढवीए णवरं जत्थ जत्तिया णरगा (इमीसे णं भंते ! रयणप्पभाए पु० णिरयपरिसामंतेसु जे पुढविक्काइया जाव वणप्फइकाइया ते णं भंते ! जीवा महाकम्मतरा चेव महाकिरियतरा चेव महाआसवतरा चेव महावेयणतरा चेव ? हंता गोयमा! इमीसे णं रयणप्पभाए पुढवीए णिरयपरिसामंतेसु तं चेव जाव महावेयणतरा चेव, एवं जाव अहेसत्तमा) // 93 // पुढविं ओगाहित्ता, णरगा संठाणमेव बाहल्लं / विक्खंभपरिकखेवे वण्णो गधो य फासो य // 1 // तेसिं महालयाए उवमा देवेण होइ कायव्वा / जीवा य पोग्गला वक्कमंति तह सासया णिरया // 2 // उववायपरिमाणं अवहारुच्चत्तमेव संघयणं संठाणवण्णगंधा फासा ऊसासमाहारे // 3 // लेसा दिट्ठी णाणे जोगुवओगे तहा समुग्धाया। तत्तो खुहापिवासा विउव्वणा वेयणा य भए // 4 // उववाओ पुरिसाणं ओवम्म वेयणाएँ दुविहाए / उव्वट्टणपुढवी उ उववाओ सव्वजीवाणं // 5 // एयाओ संगहणिगाहाओ // 94 // बीओ रइय उद्देसो समत्तो / तइओ रइय उद्देसो इमीसे णं भंते ! रयणप्पभाए पुढवीए णेरइया केरिसयं पोग्गलपरिणामं पच्चणुभवमाणा विहरंति ? गोयमा ! अणिढे जाव अमणामं, एवं जाव अहेसत्तमाए एवं णेयव्वं गाहा-पोग्गलपरिणामे वेयणा य लेसा य णामगोए य / अरई भए य सोगे खुहापिवासा य वाही य // 1 // उस्सासे अणुतावे कोहे मागे य मायलोभे य / चत्तारि य सण्णाओ णेरइयाणं तु परिणामे // 2 // एत्थ किर अइवयंती णस्वसभा
