________________ 162 . अनंगपविट्ठसुत्ताणि काउलेसा ते बहतरा जे णीललेस्सा पण्णत्ता ते थोवा, पंकप्पभाए पुच्छा, एक्का णीललेसा पण्णत्ता, धूमप्पभाए पुच्छा, गोयमा ! दो लेस्साओ पण्णत्ताओ तंजहाकिण्हलेस्सा य णीललेस्सा य, ते बहुतरगा जे णीललेस्सा, ते थोवतरगा जे किण्हलेसा, तमाए पुच्छा, गोयमा ! एका किण्हलेस्सा, अहेसत्तमाए एक्का परमकिण्हलेस्सा // इमीसे णं भंते ! रयण० पु. णेरइया किं सम्मदिट्ठी मिच्छादिट्ठी सम्मामिच्छादिट्टी ? गोयमा ! सम्मदिट्ठीवि मिच्छादिट्ठीवि सम्मामिच्छादिट्ठीवि, एवं जाव अहे. सत्तमाए // इमीसे णं भंते ! रयण० पु. णेरइया किं णाणी अण्णाणी ? गोयमा ! णाणीवि अण्णाणीवि, जे णाणी ते णियमा तिणाणी, तंजहा-आभिणिबोहियणाणी सुयणाणी ओहिणाणी, जे अण्णाणी ते अत्थेगइया दुअण्णाणी अत्थेगइया तिअणाणी, जे दुअण्णाणी ते णियमा मइअण्णाणी य सुयअण्णाणी य, जे तिअण्णाणी ते णियमा मइअण्णाणी सुयअण्णाणी विभंगणाणीवि, सेसा ण णाणीवि अण्णाणीवि तिण्णि जाव अहेसत्तमाए / इमीसे णं भंते ! रयण० पु० किं मणजोगी वइजोगी कायजोगी ? गो०! तिण्णिवि, एवं जाव अहेसत्तमाए // इमीसे णं भंते ! रयणप्पभापु० णेरइया किं सागारोवउत्ता अणागारोवउत्ता ? गोयमा ! सागारोवउत्तावि अणागारोवउत्तावि, एवं जाव अहेसत्तमाए पुढवीए / [इमीसे णं भंते ! रयणप्प० पु० णेरइया ओहिणा केवइयं खेत्तं जाणंति पासंति ? गोयमा! जहण्णेणं अधुट्ठगाउयाई उक्कोसेणं चत्तारि गाउयाई / सक्करप्पभापु० जह, तिण्णि गाउयाइं उक्को० अधुट्ठाई, एवं अद्वद्धगाउयं परिहायइ जाव अहेसत्तमाए जह० अद्धगाउयं उक्कोसेणं गाउयं / इमीसे णं भंते ! रयणप्पभाए पुढवीए णेरइयाणं कइ समुग्धाया पण्णत्ता ? गोयमा ! चत्तारि ससुग्घाया पण्णत्ता, तंजहा—वेयणासमुग्घाए कसायसमुग्घाए मारणतियसमुग्घाए वेउब्वियसमुग्घाए, एवं जाव अहेसत्तमाए // 88 // इमीसे णं भंते ! रयणप्पभा० पु० णेरइया केरिसयं खुहप्पिवासं पच्चणुभवमाणा विहरंति ? गोयमा ! एगमेगस्स णं रयणप्पभापुढविणेरइयस्स असब्भावपट्ठवणाए सव्वोदही वा सव्वपोग्गले वा आसगंसि पक्खिवेजा णो चेव णं से रयणप्प० पु० णेरइए तित्ते वा सिया वितण्हे वा सिया, एरिसया णं गोयमा ! रयणप्पभाए णेरइया खुहप्पिवासं पच्चणुभवमाणा विहरंति, एवं जाव अहेसत्तमाए / इमीसे णं भंते ! रयणप्पभाए पु० णेरइया किं एगत्तं पभू विउवित्तए पुंहुत्तंपि पभू विउव्वित्तए ? गोयमा ! एगत्तपि पभू पुहुत्तंपि पभू विउवित्तए, एगत्तं विउव्वेमाणा एगं
