________________ अनंगपविट्ठसुत्ताणि. सव्वखुड्डाए वट्टे तेल्लापूवसंठाणसंठिए वट्टे रहचकवालसंठाणसंठिए वट्टे पुक्खरकण्णियासंठाणसंठिए वट्टे पडिपुण्णचंदसंठाणसंठिए एक जोयणसयसहस्सं आयामविक्खंभेणं जाव किंचि विसेसाहिए परिक्खेवणं, देवे णं महिड्ढिए जाव महाणुभागे जाव इणामेव इणामेवत्तिक? इमं केवलकप्पं जंबुद्दीवं 2 तिहिं अच्छाणिवाएहिं तिसत्तखुत्तो अणुपरियट्टित्ताणं हव्वमागच्छेजा से ण देवे ताए उकिट्ठाए तुरियाए चवलाए चंडाए सिग्याए उधुयाए जयणाए छेयाए दिव्वाए दिव्यगईए वीइवयमाणे 2 जहण्णेणं एगाई वा दुयाहं वा तियाहं वा उक्कोसेणं छम्मासेणं वीइवएजा, अत्थेगइए वीहवएजा अत्थेगइए णो वीइवएजा, एमहालया गं गोयमा ! इमीसे गं रयणप्पभाए पुढवीए गरगा पण्णत्ता, एवं जाव अहेसत्तमाए, णवरं अहेसत्तमाए अत्थेगइयं णरगं वीइवएजा, अत्थेगइए णरगे णो वीइवएना // 84 // इमीसे णं भंते ! रयणप्पभाए पुढवीए गरगा किंमया पण्णत्ता ? गोयमा ! सव्ववइरामया पण्णत्ता, तत्थ णं णरएसु बहवे जीवा य. पोग्गला य अवकमंति विउकमंति चयंति उववजंति, सासया णं ते णरगा दव्वट्ठयाए वण्णपजवेहिं गंधपजवेहि रसपजवेहि फासपजवेहिं असासया, एवं जाव अहेसत्तमाए // 85 // इमीसे णं भंते ! रयणप्पभाए पुढवीए णेरइया कओहिंतो उववजंति किं असण्णीहिंतो उववजंति सरी सिवेहिंतो उववजंति पक्खीहिंतो उववजंति चउप्पएहितो उववजंति उरगेहिंतो उववजंति इत्थियाहिंतो उववजंति मच्छमणुएहिंतो उववजंति ? गोयमा ! असण्णीहितो उववंबंति जाव मच्छमणुएहिंतोवि उववजंति, असण्णी खलु पढमं दोच्चं च सरीसिवा तइय पक्खी / सीहा जंति चउत्थिं उरगा पुण पंचमि जंति // 1 // छढेि च इत्थियाओ मच्छा मणुया य सत्तमि जंति / जाव अहेसत्तमाए पुढवीए णेरइया णो असण्णीहिंतो उववजंति जाव णो इत्थियाहिंतो उववजंति मच्छमणुस्सेहिंतो उववजति // इमीसे णं भंते ! रयणप्प० पु. णेरइया एकसमएणं केवइया उववजंति ? गोयमा ! जहण्णेणं एको वा दो वा तिण्णि वा उक्कोसेणं संखेजा वा असंखेजा वा उववजंति, एवं जाव अहेसत्तमाए / इमीसे णं भंते ! रयणप्प. पुढवीए णेरइया समए समए अवहीरमाणा अवहीरमाणा केवइकालेणं अवहिया सिया ? गोयमा ! ते णं असंखेजा समए समए अवहीरमाणा अवहीरमाणा असंखेजाहिँ उस्सप्पिणीओसप्पिणीहिं अवहीरंति णो चेव णं अवहिया सिया जाव अहेसत्तमा // इमीसे गं भंते ! रयणप्प० पु. णेरइयाणं केमहालिया सरीरोगाहणा पण्णत्ता ? गोयमा ! दुविहा सरीरोगाहणा पण्णत्ता, तंजहा-भवधारणिजा य उत्तरवेउविया य, तत्थ
