________________ 124 अनंगपविट्ठसुत्ताणि तत्थ णं जे एवमाहंसु 'दुविहा संसारसमावण्णगा जीवा प०' ते एवमाहंसु-तंजहातसा चेव थावरा चेव // 9 // से किं तं थावरा ? 2 तिविहा पण्णत्ता, तंजहापुढविकाइया 1 आउकाइया 2 वणस्सइकाइया 3 // 10 // से किं तं पुढ विकाइया ? 2 दुविहा प०, तं०-सुहुमपुढविकाइया य बायरपुढविकाईया य // 11 // से किं तं सुहुमपुढविकाइया ? 2 दुविहा प०, तं०-पजत्तगा य अपजत्तगा य / संगहणिगाहासरीरोगाहणसंघयणसंठाणकसाय तह य हुंति सण्णाओ। लेसिंदियसमुग्घाओ, सण्णी वेए य पजत्ती // 1 // दिट्ठी दंसणणाणे जोगुवओगे तहा किमाहारे / उववायठिई समुग्घायचवणगइरागई चेव // 2 // 12 // तेंसि णं भंते ! जीवाणं कइसरीरगा पण्णत्ता ? गोयमा ! तओ सरीरगा 10, तं०-ओरालिए तेयए कम्मए / तेसि णं भंते ! जीवाणं केमहालिया सरीरोगाहणा प० 1 गो ! जहण्णेणं अंगुलासंखेजइभागं उक्कोसेणवि अंगुलासंखेजइभागं // तेसि णं भंते ! जीवाणं सरीरा किंसंघयणा पण्णत्ता ? गोयमा ! छेवट्ठसंघयणा पण्णत्ता // तेसि णं भंते ! सरीरा किंसंठिया प० 1 गोयमा ! मसूरचंदसंठिया पण्णत्ता॥ तेसि णं भंते ! जीवाणं कई कसाया पण्णत्ता ? गोयमा! चत्तारि कसाया पण्णत्ता, तंजहा-कोहकसाए माणकसाए मायाकसाए लोहकसाए // तेसि णं भंते ! जीवाणं कई सण्णाओ पण्णत्ताओ? गोयमा ? चत्तारि सण्णाओ पण्णत्ताओ, तंजहा-आहारसण्णा जाव परिग्गहसण्णा // तेसिणं भंते ! जीवाणं कइ लेसाओ पण्णत्ताओ? गोयमा ! तिणि लेस्साओ पण्णत्ताओ तंजहा-किण्हलेस्सा णीललेस्सा काउलेस्सा॥ तेसि णं भंते ! जीवाणं कइ इंदियाइं पण्णत्ताई ? गोयमा ! एगे फासिदिए पण्णत्ते / तेसि णं भंते ! जीवाणं कइ समुग्घाया पण्णत्ता ? गोयमा! तओ समुग्धाया पण्णत्ता, तंजहा-वेयणासमुग्धाए कसायसमुग्घाए मारणंतियसमुग्घाए // ते णं भंते ! जीवा किं सण्णी असण्णी ? गोयमा ! णो सण्णी असण्णी // ते णं भंते ! जीवा किं इथिवेया पुरिसवेया णपुंसगवेया ? गोयमा! णो इत्थीवेया णो पुरिसवेया णपुंसगवेया। तेसि णं भंते ! जीवाणं कइ पजत्तीओ पण्णत्ताओ ? गोयमा! चत्तारि पजत्तीओ पण्णत्ताओ,तंजहाआहारपजत्ती सरीरपजत्ती इंदियपजत्ती आणपाणुपजत्ती / तेसि णं भंते ! जीवाणं कइ अपजत्तीओ पण्णत्ताओ? गोयमा ! चत्तारि अपजत्तीओ पण्णत्ताओ, तंजहा आहारअपजत्ती जाव आणापाणुअपजत्ती // ते णं भंते ! जीवा किं सम्मदिट्टी मिच्छादिट्ठी सम्मामिच्छादिट्ठी ? गोयमा ! णो सम्मदिट्ठी मिच्छादिट्ठी णो सम्मा
