________________ रायपसेणइयं 106 चेव णे तत्थ जीवं पासामि / एवं तिहा चउहा संखेजफालियं करेमि, णो चेव णं नत्थ जीवं पासामि / जइ णं भंते ! अहं तं पुरिसं दुहा वा तिहा वा चउहा वा मंखेजंहा वा फालियंमि जीवं पासंतो तो णं अहं सद्दहेजा णो"तं चेव / जम्हा णं भंते ! अहं तंसि पुरिसंसि दुहा वा तिहा वा चउहा वा संखेजहा वा फालियंमि जीवं ण पामामि तम्हा सुपइट्ठिया मे पइण्णा जहा तं जीवो तं सरीरं"तं चेव" // तए गं केसी कुमारसमणे पएसिं रायं एवं वयासी-"मूटतराए णं तुमं पएसी ! ताओ तुच्छ्त राओ' / “के ण भंते ! तुच्छतराए ?" “पएसी ! से जहाणामए केई पुरिसा वणत्थी वणोवर्जवी वणगवेसणयाए जोइं च जोइभायणं च गहाय कट्ठाणं अडविं अणुपविट्ठा / तए णं ते पुरिसा तीसे अगामियाए जाव किंचि देसं अणुप्पत्ता समाणा एगं पुरिसं एवं वयासी-'अम्हे णं देवाणुप्पिया ! कट्ठाणं अडविं अणुपविसामो। एत्तो णं तुमं जोइभायणाओ जोइं गहाय अम्हं असणं साहेजासि / अह तं जोइभायणे जोई विज्झवेजा एत्तो | तुम कट्ठाओ जोइं गहाय अम्हं असणं साहेजासि' त्ति कटु कट्ठाणं अडविं अणुपविट्ठा / तए णं से पुरिसे ताओ मुहुत्तंतरस्स तेसिं पुरिसाणं असणं साहेमित्तिकटु जेणेव जोइभायणे तेणेव उवागच्छद्द, जोइभाइणे जोई विज्झायमेव पासइ / तए णं से पुरिसे जेणेव से कटे तेणेव उवागच्छइ २त्ता तं कर्ट मव्वओ समंता समभिलोएइ, णो चेव णं तत्थ जोइं पासइ / तए णं से पुरिसे परियरं बंधइ 2 त्ता, फरमुं गिण्डइ 2 त्ता, तं कटुं दुहाफालियं करेइ 2 त्ता, सव्वओ ममंता समभिलोएइ, णो चेवणं तत्थ जोइं पासइ / एवं जाव संखेजफालियं करेइ, सव्वओ समंता समभिलोएइ, णो चेव णं तत्थ जोइं पासइ / तए णं से पुरिसे तंसि कटुंसि दुहाफालिए वा जाव संखेजफालिए वा जोइं अपासमाणे संते तंते परितंते णिविण्णे समाणे परसुं एगंते एडेइ 2 त्ता परियरं मुयइ 2 त्ता एवं वयासी-'अहो मए तेसिं पुरिसाणं असणे णो साहिए'त्तिक? ओहयमणसंकप्पे चिंतासोगसागरसंपविढे करयलपल्हत्थमुहे अट्टज्झाणोवगए भूमिगयदिट्ठिए झियायइ / तए णं ते पुरिसा कट्ठाई छिंदंति 2 त्ता जेणेव से पुरिसे तेणेव उवागच्छंति 2 त्ता तं पुरिसं ओहयमणसंकप्पं जाव झियायमाणं पासंति 2 त्ता एवं वयासी-'किं गं तुमं देवाणुप्पिया! ओहयमणसंकप्पे जाव झियायसि ?" / तए णं से पुरिसे एचं वयासी-'तुझे णं देवाणुप्पिया ! कट्ठाणं अडविं अणुपविसमाणा ममं एवं वयासी-'अम्हे णं देवाणुप्पिया! कट्ठाणं अडविं जाव अणुपविट्ठा। तए णं अहं तत्तो मुहृत्तंतरस्स तुझं असणं
