________________ 108 अनंगपविट्ठसुत्ताणि वयासी-“से जहाणामए केइ पुरिसे तरुणे जाव सिप्पोवगए णवियाए विहंगियाए णवएहिं सिक्कएहिं णवएहिं पत्थियपिडएहिं पहू एगं महं अयभारं जाव परिवहित्तए ?" "हंता पभू" / "पएसी ! से चेव णं पुरिसे तरुणे जाव सिप्पोक्गए जुण्णियाए दुब्बलियाए घुण्णक्खइयाए विहंगियाए जुण्णएहिं दुबलएहिं घुण्णवस्त्रइएहिं सिढिलतयापिणद्धएहिं सिक्कएहिं जुण्णएहिं दुब्बलएहिं घुणक्खइएहिं पत्थियपिंडएहिं पभू एगं महं अयभारं वा जाव परिवहित्तए ?" “णो इणढे समढे" / “कम्हा गं ?" "भंते ! तस्स पुरिसस्स जुण्णाई उवगरणाई हवंति"। (एवामेव) "पएसी ! से चेव से पुरिसे जुण्णे जाव किलंते जुण्णोवगरणे णो पभू एगं महं अयभारं वा जाव परिवहित्तए / तं सहहाहि गं तुमं पएसी ! जहा अण्णो जीवो अण्णं सरीरं" // 6 // 66 // तए ण से पएसी केसि कुमारसमणं एवं वयासी-"अस्थि णं भंते ! जाव णो उवागच्छइ / एवं खलु भंते ! जाव विहरामि / तए णं मम णगरगुत्तिया चोरं उवणेति / तए णं अहं तं पुरिस जीवंतगं चेव तुलेमि, तुलेत्ता छविच्छेयं अकुव्वमाणे जीवियाओ ववरोवेमि 2 त्ता मयं तुलेमि 2 त्ता णो चेव णं तस्स पुरिसस्स जीवंतस्स वा तुलियस्स मुयस्स वा तुलियस्स केइ अण्णत्ते वा णाणत्ते वा ओमत्ते वा तुच्छत्ते बा गुरुयत्ते वा लहुयत्ते वा / जइ णं भंते ! तस्स पुरिसस्स जीवंतस्स वा तुलियस्स मुयस्स वा तुलियस्स होजा केइ अण्णत्ते वा जाव लहुयत्ते वा तो णं अहं सद्दहेजा तं चेव / जम्हा णं भंते ! तस्स पुरिसस्स जीवंतस्स वा तुलियस्स मुयस्स वा तुलियस्स णत्थि केइ अण्णत्ते वा"लहुयत्ते वा तम्हा सुपइट्टिया मे पइण्णा जहा तं जीवो""तं चेव" / तए णं केसी कुमारसमणे पएसिं रायं एवं वयासी-"अस्थि णं पएसी ! तुमे कयाइ वत्थी धंतपुव्वे वा धमावियपुव्वे वा ?.." "हंता अस्थि" / "अस्थि णं पएसी! तस्स वस्थिस्स पुण्णस्स वा तुलियस्स अपुण्णस्स वा तुलियस्स केइ अण्णत्ते वा जाव लहुयत्ते वा ?" “णो इणटे समटे"। "एवामेव पएसी ! जीवस्स अगुरुलघुयत्तं पडुच्च जीवंतस्स वा तुलियस्स मुयस्स वा तुलियस्स णत्थि केइ अण्णत्ते वा जाव लहुयत्ते वा / तं सद्दहाहि णं तुमं पएसी !"तं चेव" // 7 // 67 // तए णं पएसी राया केसि कुमारसमणं एवं वयासी-"अस्थि णं भंते ! एसा जाव णो उवागच्छइ / एवं खलु भंते ! अहं अण्णया जाव चोरं उवणेति / तए णं अहं तं पुरिसं सव्वओ समंता समभिलोएमि / णो चेव णं तत्थ जीवं पासामि। तए णं अहं तं पुरिसं दुहाफालियं करेमि 2 त्ता सव्वओ समंता समभिलोएमि / णो
