________________ रायपसेणइयं पएसी ! तव वि अजिया होत्था इहेव सेयवियाए णयराए धम्मिया जाव विहरइ ।सा णं अम्हं वत्तव्वयाए सुबहुं जाव उववण्णा, तीसे णं अजियाए तुभ णत्तुए होत्था इट्टे जाव किमङ्ग पुण पासणयाए / सा णं इच्छइ माणुसं लोग हव्वमागच्छित्तए, णो चेव में संचाएइ हव्वमागच्छित्तए / चउहिँ ठाणेहिं पएसी ! अहुणोववण्णे देव देवलोएसु इच्छेजा माणुस लोग...णो चेव णं संचाएइ० / अहुणोक्वण्णे देवे देवलोएसु दिव्वेहि कामभोगेहिं मुच्छिए गिद्धे गढिए अज्झोववण्णे, से गं माणुसे भोगे णो आढाइ णो पारेजाणाइ, से णं इच्छिज्जा माणुसं...णो चेव णं संचाएइ"१। अहुणोववण्णए देवे देवलोएसु दिव्वेहिं कामभोगेहिं मुच्छिए जाव अज्झोववण्णे, तस्स णं माणुस्से पेम्मे वोच्छिण्णए भवई, दिव्वे पेम्मे संकंते भवइ, से णं इच्छंजा माणुसं''णो चेवणं संचाएइ" / अहुणोववण्णे देवे दिव्वेहि कामभोगेहिं मुच्छिए जाव अज्झोववण्णे, तस्स णं एवं भवइ-इयाणिं गच्छं मुहुत्तं गच्छं जाव इह अप्पाउया णरा कालधम्मुणा संजुत्ता भवंति, से णं इच्छेजा माणुसं"णो चेव णं संचाएइ"३ / अहुणोववण्णे देवे दिव्वेहिं जाव अझोववण्णे तस्स माणुस्सएं उराले दुग्गंधे पडिकूले पडिलोमे भवइ, उड्हें पि य णं चत्तारि पञ्च जोयणसयाई असुभे माणुस्सए गंधे अभिसमागच्छइ, से णं इच्छेजा माणुमंणो चेव णं संचाए""४ / इच्चेएहिं चउहिं ठाणेहिं पएसी ! अहुणोववण्णे देवे देवेलोएसु इच्छेजा माणुसं लोगं हव्वमागच्छित्तए, णोचेव णं संचाएइ हव्वमागच्छित्तए / तं सद्दहाहि णं तुमं पएसी ! जहा अण्णो जीवो अण्णं सरीरं णो तं जीवो तं सरीरं" // 2 // 62 // तए णं से पएसी राया केसि कुमारसमणं एवं वयासी-"अत्थि णं भंते ! एसा पंण्णा उवमा / इमेणं पुण कारणेणं णो उवागच्छइ / एवं खलु भंते ! अहं अण्णया कयाइ बाहिरियाए उवट्ठाणसालाए अणेगगणणायगदण्डणायगराईसरतलवरमाडंबियकोडुम्बियइब्भसेट्ठिसेणावइसत्थवाहमंतिमहामंतिगणगदोवारियअमच्चचेडपीढमद्दणगरणिगमदूयसंधिवाले हिं सद्धिं संपरिबुडे विहरामि / तए णं मम णगरगुत्तिया ससक्खं सलोइं सगेवेज अवओडयबंधणबद्धं चोरं उवणेति / तए णं अहं तं पुरिसं जीवंतं चेव अउकुम्भीए पक्खिवावेमि, अउमएणं पिहाणएणं पिहावेमि, अएण य तउएण य आयावेमि, आयपञ्चइयएहिं पुरिसेहिं रक्खावेमि / तए णं अहं अण्णया कयाइ जेणामेव सा अउकुम्भी तेणामेव उवागच्छामि 2 त्ता तं अउकुम्भि उग्गलच्छामि 2 त्ता तं पुरिसं सयमेव पासामि / णो चेव णं तीसे अउकुम्भीए केइ छिड्डे इ वा विवरे इ वा अंतरे इ वा राई
