________________ अनंगपविट्ठसुत्ताणि . ए "1 / अहुणोववण्णए णरएसु णेरइए णरयपालेहिं भुजो 2 समहिट्ठिजमाणे इच्छइ माणुसं लोगं हव्वमागच्छित्तए णो चेव णं संचाएइ"२। अहुणोववण्णए गरएसु णेरइए णिरयवेयणिजंसि कम्मंसि अक्खीणंसि अवेइयंसि अणिजिणंसि इच्छइ माणुस लोग"णो चेव णं संचाएइ"३ / एवं णेरइए णिरयाउयसि कम्मंसि अक्खीणसि अवेइयंसि अणिजिण्णंसि इच्छइ माणुसं लोग"णो चेव णं संचाएइ हव्वमागच्छित्तए 4 / इच्चेएहिं चउहिँ ठाणेहि पएसी ! अहुणोववणे णरएसु णेरइए इच्छइ माणुसं लोग""णो चेव णं संचाएइ हन्वमागच्छित्तए / तं सद्दहाहि णं पएसी! जहा अण्णो जीवो अण्णं सरीरं णो तं जीवो तं सरीरं" // 1 // 61 // तए णं से पएसी राया केसि कुमारसमणं एवं वयासी-“अन्थि णं भंते ! एसा पण्णा उवमा, इमेण पुण कारणेणं णो उवागच्छइ एवं खलु भंते ! मम अजिया होत्था इहेव सेयवियाए णयरीए धम्मिया जाव वित्ति कप्पेमाणी समणोवासिया अभिगयजीवा जीवा सवो वण्णओ जाव अपाणं भावेमाणी विहरह / सा गं तुझं वत्तव्वयाए सुबहुं पुण्णोवचयं समजिणित्ता कालमासे कालं किच्चा अण्णयरेसु देवलोएसु देवत्ताए उववण्णा / तीसे णं अजिबाए अहं णत्तुए होत्था इट्टे कंते जाव पासणयाए। तं जइ णं सा अजिया ममं आगंतुं एवं वएजा-एवं खलु णत्तुया ! अहं तव अजिया होत्था इहेव सेयवियाए णयरीए धम्मिया जाव वित्तिं कप्पेमाणी समणोवासिया जाव विहरामि / तए णं अहं सुबहुं पुण्णोवचयं समजिणित्ता जाव देवलोएसु उववण्णा / तं तुम पि णत्तुया ! भवाहि धम्मिए जाव विहराहि / तए णं तुमं पि एवं चेव सुबहुं पुण्णोवचयं समजिणित्ता जाव उववजिहिसि' / तं जहण सा अजिया मम आगंतुं एवं वएजा, तो णं अहं सद्दहेजा पत्तिएजा रोएजा जहा अण्णो जीवो अण्णं सरीरं णो तं जीवो तं सरीरं / जम्हा सा अजिया ममं आगंतुं णो एवं वयासी तम्हा सुपइट्ठिया मे पइण्णा जहा तं जीवो तं सरीरं णो अण्णो जीवो अण्णं सरीरं" // तए णं केसी कुमारसमणे पएसीरायं एवं वयासी"जइ णं तुमं पएसी ! हायं कयबलिकम्मं कयकोउयमंगलपायच्छित उल्लपडसाडगं भिङ्गारकडुच्छयहत्थगयं देवकुलमणुपविसमाणं केइ य पुरिसे वच्चघरंसि ठिच्चा एवं वएजा-'एह ताव सामी ! इह मुहुत्तगं आसयह वा सयह वा चिट्ठह वा णिसीयह वा तुयट्टह वा' तस्स णं तुमं पएसी ! पुरिसस्स खणमवि एयमझु पडिसुणिजासि ?" “णो” ति० / “कम्हा णं ?" भंते ! असुइ 2 सामंतो” / “एवामेव
