________________ अनंगपविट्ठसुत्ताणि जाणवयस्स विस्सुय-कित्तिए बहुजणस्स आहुस्स आहुणिज्जे पाहुणिज्जे अच्चणिज्जे वंद णिज्जे णमंसणिज्जे पूयणिज्जे सक्कारणिज्जे सम्माणणिज्जे कल्लाणं मंगलं देवयं चेइयं विणएणं पज्जुवासणिज्जे दिव्वे सच्चे सच्चोवाए सण्णिहिय-पाडिहेरे जागसहस्सभागपडिच्छए बहुजणो अच्चेइ आगम्म पुण्णभई चेइयं पुण्णभदं चेइयं // 2 // से णं पुण्णभद्दे चेइए एक्केणं महया वणसंडेणं सव्वओ समंता संपरिक्खित्ते, से णं वणसंडे किण्हे किण्होभासे णीले णीलोभासे हरिए हरिओभासे सीए सीओभासे गिद्धे गिद्धोभासे तिव्वे तिव्योभासे किण्हे किण्हच्छाए णीले णीलच्छाए हरिए हरियच्छाए सीए सीयच्छाए गिद्धे णिद्धच्छाए तिव्वे तिव्वच्छाए घणकडिअकडिच्छाए रम्मे महामेहणिकुरंबभूए। ते णं पायवा मूलमंतो कंदमंतो खंधमंतो तयामंतो सालमंतो पवालमंतो पत्तमंतो पुप्फमंतो फलमंतो बीयमंतो अणुपुव्वसुजाय-रुइल-वट्टभावपरिणया एकखंधा अणेगसाला अणेगसाहप्पसाहविडिमा अणेगणवाम-सुप्पसारिअअग्गेज्झघणविउल-बद्धखंधा अच्छिद्दपत्ता अविरलपत्ता अवाईणपत्ता अणईयपत्ता णिधूयजरढपंडुपत्ता णवहरियभिसंतपत्तभारंधकारगंभीर-दरिसणिजा उवणिग्गयणवतरुणपत्त पल्लवकोमलउज्जलचलंत-किसलय सुकुमाल-पवाल-सोहियवरंकुरग्गसिहरा णिच्चं कुसुमिया णिच्चं माइया णिच्चं लवइया णिच्चं थवइया णिच्चं गुलइया णिच्चं गोच्छिया णिच्चं जमलिया णिच्चं जुवलिया णिच्चं विणमिया णिच्चं पणमिया गिच्चं कुसुमियमाइयलवइयथवइयगुलइयगोच्छियजमलियजुवलियविणमिय-पणमिय-सुविभत्तपिंड-मंजरि-वडिंसयधरा सुयवरहिणमयण-साल-कोइलकोहंगक-भिंगारककोडलकजीवंजीवग-णंदीमुह-कविल-पिंगलक्खगकारंड चक्कवाय-कलहंससारस अणेगसउणगणमिहुण-विरइय-सद्दुण्णइय-महुर सरणाइए सुरम्मे संपिंडियदरिय-भमर-महयरिपहकर-परिलिंत-मत्त-छप्पय-कुसुमासव-लोल-महुर-गुमगुमंत-गुंजत-देसभागे अब्भंतरपुप्फफले बाहिरपत्तोच्छपणे पत्तेहि य पुप्फेहि य उच्छण्ण पडिवलिच्छण्णे साउफले णिरोयए अकंटए णाणाविह गुच्छ-गुम्म-मंडवग-रम्म-सोहिए विचित्त-सुह-केउभूए वावीपुक्खरिणी दीहियासु य सुणिवेसिय-रम्म-जालहरए / पिंडिम णीहारिम-सुगंधिसुह-सुरभिमणहरं च मया गंधद्धणिं मुयंता णाणाविहगुच्छ-गुम्म-मंडवक-घरकखुहसेउकेउबहुला अणेगरहजाणजुग्ग-सिवियपविमोयणा सुरम्मा पासादीया दरिसणिज्जा अभिरूवा पडिरूवा / तस्सणं वणसंडस्स बहुमज्झदेसभाए एत्थ णं महं एक्के असोगवरपायवे 50 कुसविकुसविसुद्धरुक्खमूले मूलमंते कदमते खंधमंते तयामते सालमंते पवालमंते
