________________ रायपसेणइयं चित्ते सारही समणोवासए जाए अहिगयीवाजीवे उवलद्धपुण्णपावे आसवसंवरगिजरकिरियाहिगरणबंधमोक्खकुसले असहिजे देवासुरणागसुवण्णजवखरक्खसकिणरकिंपुरिसगरुलगंधचमहोरगाईहिं देवगणेहि णिग्गंथाओ पावयणाओ अणइक्कमाणिजे, णिग्गंथे पावयणे णिस्संकिए णिकंखिए णिचितिगिच्छे लढे गहियढे पुच्छियढे अहिगयटे विणिच्छ्यिढे अट्ठिमिञ्जपेम्माणुरागरत्ते अयमाउसो! णिग्गंथे पावयणे अढे अयं परमट्टे सेसे अणटे, ऊसियफलिहे अवंगुयदुवारे चियत्तंतेउरघरप्पवेसे चाउदसट्ठमुद्दिट्ठपुण्णमासिणीसु पडिपुण्णं पोसहं सम्मं अणुपालेमाणे समणे णिगंथे फासुएसणिजेणं असणपाणवाइमसाइमेणं पीढफलगसेज्जासंथारेणं वत्थपडिग्गहकम्बलपायपुञ्छणेणं ओसहभेसजेणं पडिलाभेमाणे 2 बहूहिं सीलव्वयगुणवेरमणपच्चवखाणपोसहोववासेहि य अप्पाणं भावेमाणे जाई तत्थ रायकज्जाणि य जाव रायववहाराणि य ताइं जियसत्तुणा रण्णा सद्धिं सयमेव पच्चुवेक्खमाणे 2 विहरइ // 51 // तए णं से जियसत्तुराया अण्णया कयाइ महत्थं जाव पाहडं सजेइ 2 त्ता चित्तं सारहिं सद्दावेइ 2 त्ता एवं वयासी-“गच्छाहि णं तुमं चित्ता! सेयवियं णयरिं / पएसिस्स रणो इमं महत्थं जाव पाहुडं उवणेहि, मम पाउन्गं च णं जहामणियं अवितहमसंदिद्धं वयणं विण्णवेहि" त्तिक? विसजिए / तए णं से चित्ते सारही जियसत्तुणा रण्णा विसजिए समाणे तं महत्थं जाव गिण्हइ जाव जियसत्तुस्स रण्णो अंतियाओ पडिमिक्खमइ 2 त्ता सावत्थीणयरीए मज्झमज्झेणं णिग्गच्छइ 2 त्ता जेणेव रायमग्गमोगाढे आवासे तेणेव उवागच्छइ 2 त्ता तं महत्थं जाव ठवेइ, हाए जाव सरीरे सकोरेंट"छत्तेणं"पायचारविहारेणं महया पुरिसवगुरापरिक्खित्ते रायमम्गमोगाढाओ आवासाओ णिग्गच्छइ २त्ता सावत्थीणयरीए मझंमज्झेणं णिग्गच्छद २त्ता जेणेव कोट्ठए चेइए जेणेव केसीकुमारसमणे तेणेव उवागच्छइ 2 त्ता केसिकुमारसमणस्स अंतिए धम्मं सोचा जाव हट्ट"जाव एवं वयासी-“एवं खलु अहं भंते ! जियसत्तुणा रण्णा पए सिरस रण्णो इमं महत्थं जाव उवणेहित्तिक? विसजिए / तं गच्छामि णं अहं भंते ! सेयवियं णयरिं / पासादीया णं भंते ! सेयविया णयरी / दरिसणिजा णं भंते ! सेयविया णयरी / अभिरुवा णं भंते ! सेयविया णयरी / पडिरूवा णं भंते ! सेयविया णयरी / समोसरह णं भंते ! तुम्भे सेयवियं णयरिं" / तए णं से केसी कुमारसमणे चित्तेणं सारहिणा एवं बुत्ते समाणे चित्तस्स सारहिस्स एयमढे णो आढाइ णो परिजाणाइ, तुसिणीए संचिट्ठइ / तए णं से
