________________ [72] पञ्चकल्प-भाष्ये मम हियमिच्छंतेणं रुदमाणे पीहको व्व बालस्स। तह मज्झं सेयंति अतियारविवजितो विहरे // 649 // इतरो जातिमदेणं अविणयमादीणि अविगडेत्ताणं। दुल्लभवोहीयत्तं बंधित्तु गतो तु दियलोयं // 650 // कोसंबीए इणमो सेट्ठी णामेण तावसो णामं / मरिऊण सूयरोरग जातो पुत्तस्स पुत्तो तु // 651 // जातो जाति सरंतोचिंतयति किं नु सुण्ह अम्मोत्ति। पुत्तो वि य बप्पो त्ती भणामि मूयत्तण वरं मे // 652 // मरुदेवो तित्थकरं पुच्छति किह सुलभदुलभवोहीहं। भणितो दुल्लभवोही तंसि गुरु परिभवकएणं // 653 // कह बुझेज्जामित्ति य भणितो कोसंबिमूगमाऊए / उववज्जिहिसीतहियं मूगो अब्भत्थितो बोहो 654 // ताहे आगंतुणं राहू गामंति भणति सो देवो / अहगं चइऊण इतो तुज्झं मातूए उदरम्मि // 655 / / उववज्जीहं अइरा होहिति अंबेहिं डोहलो अकाले। अविणिज्जंते तम्मि य किच्छप्पाणा य होहिति तु // अहगं गिरिणीतंबे सव्वोतुय अंबगं करेहामो। ' अंबाऽलंभे खि (वे) ज्जसि दे अंबे देह जदि ग़म्भं 657
